भिगवण निंबोडी रस्त्याची दुरवस्था: वाहनचालक त्रस्त
(निलेश गायकवाड )
भिगवण निंबोडी रस्त्याची दुरवस्था झाली असून रस्त्यावरील खड्ड्यांमुळे वाहनचालक त्रस्त झाले आहेत.मोठा पाऊस सुरू होण्यापूर्वीच येथील रस्त्याचे दुरुस्ती करण्याची मागणी स्थानिक रहिवाशांनी केली आहे.
अनेक दिवसांपासून दुरुस्ती न झाल्याने अक्षरशः चाळण झाली आहे. यामुळे अपघात होण्याची शक्यता नाकारता येत नाही. स्थानिक रहिवाशांना या रस्त्यावरून ये-जा करतात जीव मुठीत घेऊन प्रवास करावा लागत आहे. वारंवार मागणी करूनही याकडे दुर्लक्ष होत आहे या भागात नेहमी वर्दळ असते शालेय विद्यार्थी ज्येष्ठ नागरिक व महिलांना याचा त्रास सहन करावा लागत आहे.
