मुंबईच्या वाहतुक पोलीस आयुक्तांकडे टॅक्सीचालकांविरोधात असंख्य तक्रारी
प्रतिनिधी-अर्जुन आहेर
ओला, उबेर तसंच इतर टॅक्सीचालकांच्या संघटनांचे प्रतिनिधी आणि मुंबईचे वाहतुक पोलीस आयुक्त यांच्यात आज बैठक झाली. मुंबईच्या पोलीस आयुक्तांकडे या टॅक्सीचालकांविरोधात असंख्य तक्रारी येत असल्याच्या पार्श्वभूमीवर ही बैठक आयोजित केली होती.
या टॅक्सीचालकांनी वाहन थांबवण्यासह, वाहतुकीच्या नियमांचं काटेकोरपणे पालन करायला हवं अशी सूचना वाहतुक पोलीस आयुक्तांनी या बैठकीत केली. यासोबतच या टॅक्सिचालकांसाठी पुरेसे स्टँड उपलब्ध नाहीत यावरही या बैठकीत चर्चा झाली.
नवे स्टँड उभारण्यासाठी संभाव्य स्टँडची यादी वाहतूक पोलिसांना सादर करावी अशी सूचनाही पोलीस आयुक्तांनी केली.
