विद्यार्थ्यांसाठी नवी शैक्षणिक संधी; नोबेल पोद्दार स्कूलचे उद्घाटन संपन्न..
अमळनेर : विक्की जाधव.
गालवाड रोड, अमळनेर येथील नोबेल पोद्दार स्कूलच्या नवीन इमारतीचे उद्घाटन व प्रवेश प्रक्रियेचा शुभारंभ गुरुपौर्णिमेच्या शुभमुहूर्तावर पार पडला. यावेळी प.पू. स्वामी श्री मुनींद्रजी सरस्वती (विद्याधाम आश्रम, बडवानी, मध्यप्रदेश) यांच्या शुभहस्ते उद्घाटन करण्यात आले.
कार्यक्रमास श्री प्रशांत सूर्यवंशी व सौ. अर्चना सूर्यवंशी तसेच शाळेचे संचालक मंडळ व प्रमुख पाहुणे म्हणून सौ. सुनिता नाईक उपस्थित होते.
कार्यक्रमास पालक व विद्यार्थी मोठ्या संख्येने उपस्थित होते. यावेळी प्रमुख पाहुण्यांच्या हस्ते सत्कार करण्यात आला. शाळेच्या वतीने सांगण्यात आले की, दर्जेदार शिक्षण व सर्वांगीण विकास हा शाळेचा उद्देश असून सध्या प्रवेश प्रक्रिया सुरू आहे. आतापर्यंत प्ले ग्रुप ते इयत्ता ८ वी पर्यंत प्रवेश देण्यात येत असल्याची माहिती यावेळी देण्यात आली.
