अमळनेर धावणार – अॅड. ललिता पाटील यांच्या वाढदिवसानिमित्त मॅरेथॉन स्पर्धा!
अमळनेर : विक्की जाधव
जिजाऊ बहुउद्देशीय संस्था, फिनिक्स सोशल अवेअरनेस ग्रुप आणि अमळनेर तालुका क्रीडा संघटना यांच्या संयुक्त विद्यमाने २६ जुलै रोजी राज्यस्तरीय खुली मॅरेथॉन स्पर्धा – “रन फॉर अमळनेर” आयोजित करण्यात आली आहे. या स्पर्धेचे औचित्य अॅड. ललिता पाटील यांच्या वाढदिवसानिमित्त साधण्यात आले आहे. स्पर्धेला २६ जुलै रोजी सकाळी ७ वाजता बाजार समितीच्या आवारातून सुरुवात होणार असून, धुळे रस्त्यावर मंगरूळ शिवार ते परत बाजार समिती असा एकूण ७ किमीचा मॅरेथॉन मार्ग असणार आहे.
या स्पर्धेसाठी खालीलप्रमाणे आकर्षक बक्षिसे ठेवण्यात आली आहेत –
🏆 प्रथम क्रमांक – ₹२१,००० व सुवर्ण पदक
🥈 द्वितीय क्रमांक – ₹११,००० व रौप्य पदक
🥉 तृतीय क्रमांक – ₹७,००० व कांस्य पदक
✨ उत्तेजनार्थ बक्षीस – ₹३,०००
प्रत्येक सहभागी स्पर्धकाला प्रमाणपत्र देण्यात येणार आहे.
या उपक्रमात राज्यभरातून स्पर्धकांनी मोठ्या संख्येने सहभागी व्हावे, असे आवाहन आयोजक संस्थांतर्फे करण्यात आले आहे.
