न्यायालयाच्या आवारात वकिलाला मारहाण: पोलिसात गुन्हा दाखल..
अमळनेर : विक्की जाधव.
अमळनेर न्यायालयाच्या आवारात ४ तारखेला एक गंभीर घटना घडली,
वकिलाचे वादी रवींद्र पुरुषोत्तम पवार यांच्या तर्फे पुरुषोत्तम सोनू पवार, राजेंद्र पुरुषोत्तम पवार, वैशाली राजेंद्र पवार, सुमनबाई पुरुषोत्तम पवार, मीनाक्षी कैलास भामरे, प्रियंका निशांत पाटील यांच्याविरुद्ध न्यायालयात चालू असलेल्या वाटणीच्या खटल्याचे काम चालू असताना दुपारी मीनाक्षी कैलास भामरे यांची उलट तपासणी झाली.
यावेळी तपासणी संपल्यानंतर प्रशांत बडगुजर न्यायालयाच्या बाहेर ओट्यावर उभे असताना राजेंद्र पवार तिथे आला आणि त्याने वकिलावर थेट हल्ला केला.
वकिलाने सांगितले की “मी वादीचा वकील आहे,” ते माझे काम आहे असे सांगितल्यावर, रागाने संतापलेल्या राजेंद्र पवारने वकिलाच्या तोंडावर आणि खांद्यावर मारहाण सुरू केली, ज्यामुळे वकिलाच्या खांद्याला फ्रँक्चर झाले.
याबाबत मीनाक्षीने प्रतिसाद देत चपलेने मारहाण केली. यानंतर, राजेंद्र पवार याने वकिलाच्या गळ्यातील १० ग्राम सोन्याची चेन बळजबरीने ओढली आणि त्याच्या एकाकडे दिली, जो तेथून थोडक्यात निघून गेला.
यावेळी न्यायालयीन कार्यप्रणालीसाठी ठेवलेला बॅनर तोडून नुकसान केले. जाताना राजेंद्र पवार आणि मीनाक्षीने वकिलाला धमकी दिली की, “तू कोर्टाच्या बाहेर निघ तुला जीवित सोडणार नाही.”
प्रशांत बडगुजर यांनी अमळनेर पोलीस स्टेशनमध्ये फिर्याद दिल्यावरून भारतीय न्याय संहितेच्या कलमांनुसार गुन्हा दाखल करण्यात आला आहे. यामध्ये ३०९(४), ११८(१), ३५१(२), ३५२ यांचा समावेश आहे. तपास पोलीस उपनिरीक्षक राजू जाधव करीत आहेत.
या प्रकरणामुळे स्थानिक कायद्यातील सुरक्षेच्या दृष्टीने चिंतेचा विषय उभा राहिला आहे, आणि यावर तात्काळ कारवाईची आवश्यकता आहे. कायद्याच्या आड येणार्‍या या घटनांकडे प्रशासनाने कठोर नजरेने पाहिले पाहिजे, जेणेकरून न्यायालयीन कार्यप्रणाली सुरक्षित ठेवता येईल.
