आठवडाभरापासून नागरिकांना मिळेना रेशन, ई-पॉस मशीनचे सर्व्हर बंद; ग्राहकांना होतोय मनस्ताप.

आठवडाभरापासून नागरिकांना मिळेना रेशन, ई-पॉस मशीनचे सर्व्हर बंद; ग्राहकांना होतोय मनस्ताप.
धान्य दुकानदार व शिधापत्रिकाधारकांत होताहेत वाद.
प्रतिनिधी – विकी ओहोळ
8446119158

दौंड- स्वस्त धान्य योजनेतील धान्य ग्राहकांना देण्यासाठी वापरण्यात येणारे ई-पॉस मशीनचे सर्व्हर तांत्रिक समस्येमुळे आठवडाभरापासून बंद आहे. त्यामुळे अनेक भागातील धान्य वितरण व्यवस्था कोलमडली आहे. यामुळे ग्राहकांना मोठा मनस्ताप सहन करावा लागत आहे.
धान्य वितरणासाठी आवश्यक असलेल्या ई-पॉस मशीनमध्ये सर्व्हर डाऊनमुळे अडचणी येत आहेत. अनेक वेळा स्वस्त धान्य दुकानदार व शिधापत्रिकाधारकांत वाद होतात.
स्वस्त धान्य योजनेचे लाभार्थी ग्राहकांच्या कुटुंबातील प्रत्येक सदस्यांना ई-केवायसी बंधनकारक केले आहे. त्यामुळे सर्व सदस्यांना स्वस्त धान्य दुकानात जाऊन ई-पॉस मशीनवर थंब द्यावा लागत आहे. परंतु, आठवडाभरापासून सर्व्हरच डाऊन असल्याने ग्राहकांना दुकानात चकर माराव्या लागत आहेत. ई-पॉस मशीनला सर्व्हरमुळे अडचणी निर्माण झाल्या आहेत. यामुळे धान्याचे वितरण बऱ्याच ठिकाणी थांबले आहे. यामुळे धान्य वितरण व्यवस्था त्वरित सुरळीत करावी व शिधापत्रिकाधारकांना धान्याचे वाटप करावे, अशी मागणी ग्राहकांतून होत आहे.