भिगवण रोटरी कडून परीक्षार्थींना बेस्ट लक अनोख्या पध्दतीने
(निलेश गायकवाड)
येथील रोटरी क्लब नेहमी नवनवीन आणि अनोखे उपक्रम राबवत असते. बारावीच्या परीक्षार्थींना शुभेच्छा देण्यासाठी भिगवण रोटरी क्लबने शाळा-महाविद्यालयांच्या बाहेर शुभेच्छा व स्वागत उपक्रम आयोजित केला होता. यामध्ये विद्यार्थ्यांना गुलाब पुष्प तसेच कोविड च्या काळात विद्यार्थ्यांना काळजी म्हणून मास्क व सॅनिटायझर सह परिक्षेसाठी शुभेच्छा देण्यात आल्या.
तसेच पुणे येथील रोटरी क्लब मिटाऊन चे रो अभिजीत मस्कर, यांनी मास्क उपलब्ध करून दिले.
येथील कला महाविद्यालय व भैरवनाथ कनिष्ठ महाविद्यालय या ठिकाणी सदर उपक्रमाचे आयोजन करण्यात आले होते.
प्रसंगी रोटरी क्लबचे अध्यक्ष संजय खाडे माजी अध्यक्ष संपत बंडगर , संतोष सवाने, किरण रायसोनी, नियोजित अध्यक्ष डॉ अमोल खनावरे, खजिनदार प्रदीप ताटे,सचिन बोगावत,कुलदीप ननावरे, कला महाविद्यालयाचे प्राचार्य महादेव वाळुंज, डॉ प्रशांत चवरे, प्रा सुरेंद्र शिरसाट, भैरवनाथ प्रशालेचे मुख्याध्यापक संजय गावडे , प्रा. धनाजी मत्रे, प्रा. निलेश जाधव, प्रा. समीर बळे प्रा.मोरे, व सौ काळे मॅडम उपस्थित होते.
