गडावर पायी जाणाऱ्या देवी भक्तांसाठी श्री छत्रपती शिवाजी महाराज गार्डन ग्रुपने थंड पेय आणि औषधीची दिली सेवा
अमळनेर: विक्की जाधव
चैत्र नवरात्र उत्सवानिमित्त ६ एप्रिल रोजी राम नवमीच्या पार्श्वभूमीवर श्री सप्तश्रृंगी मातेच्या गडावर पायी जाणाऱ्या भक्तांना विशेष सेवा प्रदान करण्याचा उपक्रम श्री छत्रपती शिवाजी महाराज गार्डन ग्रुपने आयोजित केला.
या उपक्रमांतर्गत भक्तांना अल्पोहार, थंड पेय आणि औषधी यांचे वितरण करण्यात आले त्यात
विजय मेडिकल अमळनेर, जळगाव जनता सहकारी बँक (शाखा अमळनेर), श्री गोविंद शेठ अग्रवाल परिवार, श्री विनोद शेठ अग्रवाल परिवार, तसेच श्री विनुभाई पटेल परिवार आणि ग्रुप सदस्यांनी महत्त्वाचे योगदान दिले.
सदर वितरण हे मंगरूळ एमआयडीसी येथे धुळे रस्त्यावरील फ्लोअर मिल समोर करण्यात आले. हा कार्यक्रम देवी भक्तांना आवश्यक त्या सेवा प्रदान करण्यासाठी विशेषतः उपयुक्त ठरला.
श्री छत्रपती शिवाजी महाराज गार्डन ग्रुपच्या असंख्य सदस्यांनी या सेवा कार्यात सक्रियपणे भाग घेतला आणि देवी भक्तांच्या सेवेसाठी आपलापल्या परीने सेवा केली.
यावेळी उपस्थित असलेल्या अनेक भक्तांनी या उपक्रमाचे आभार मानले आणि त्यांच्या अनुभवांची प्रशंसा केली. “या प्रकारच्या उपक्रमामुळे भक्तांना शांततेत आणि आरोग्यदायी पद्धतीने यात्रा पूर्ण करता येते,” अश्या भावना व्यक्त करण्यात आल्या.
सार्वजनिक सेवाक्षेत्रात या प्रकारच्या कार्यांची महत्त्वता वाढत चालली आहे, ज्यामुळे समाजातील एकता वाढण्यास आणि लोकांच्या मनामध्ये श्रद्धा निर्माण करण्यास मदत मिळेल.
