तालुक्यातील मांडळ येथे स्फोटक गोळे आढळून आल्याने ग्रामस्थांमध्ये भीती वातावरण…
तालुक्यातील मांडळ येथे स्फोटक गोळे आढळून आल्याने ग्रामस्थांमध्ये भीती निर्माण झाली होती. एका कुत्र्याने गोळा तोंडात घेऊन त्याला चावण्याचा प्रयत्न
केला असता गोळ्याचा स्फोट होऊन तोंडाच्या चिंधड्या उडून त्याचा मृत्यू झाला आहे. मांडळ गावाबाहेर वावडे रस्त्यालगत मोकळ्या जागेवर २२ रोजी दुपारी ३ वाजेच्या सुमारास एका शेतकऱ्याचे ट्रॅक्टर जात असताना ट्रॅक्टर खाली गोळा आल्याने त्याचा स्फोट होऊन जाळ झाला. कानठळ्या बसवणारा आवाज
झाला. सुरुवातीला काय झाले हो कोणाला कळेना. काही वेळानन्तर एक कुत्रा त्याठिकाणी आल्यावर त्याने पडलेला गोळा खाण्याचा प्रयत्न केला असता कुत्र्याच्या तोंडातच स्फोट झाल्याने तोंडाचे तुकडे होऊन कुत्र्याचा जागीच मृत्यू झाला. आणि त्या गोळ्यातून गॅस बाहेर आल्याने बॉम्ब असल्याचा संशय येऊन ग्रामस्थ घाबरले. आणखी काही गोळे पडलेले पाहून ग्रामस्थ जवळ जायला घाबरत होते. सुरेश ठेलारी याने धाडस करून एका गोळ्यावर काठी मारण्याचा प्रयत्न केल्यावर पुन्हा एका गोळ्याचा स्फोट झाला.
एकूण दहा गोळे असावेत. त्यापैकी तीन फुटले होते. ग्रामस्थांनी प्रांताधिकारी महादेव खेडकर, डी वाय एस पी सुनील नंदवाळकर, सहा पोलिस निरीक्षक
शितलकुमार नाईक याना माहिती कळवली.
