दौंड येथील मातोश्री पार्वतीबाई कुंभार प्रा.शाळेत १ली च्या विद्यार्थ्यांचे जंगी स्वागत
“शिक्षण हे वाघिणीचे दूध आहे आणि जो ते प्राशन करेल तो गुरगरल्याशिवाय राहणार नाही”
डॉ. बी आर आंबेडकर.
प्रतिनीधी – विकी ओहोळ
8446119158
दौंड – आज दि.१५/६/२०२३ रोजी मातोश्री पार्वतीबाई कुंभार प्राथमिक शाळेत पहिलीच्या विद्यार्थ्यांचा प्रवेशोत्सव स्वागत कार्यक्रम अतिशय आनंदी व उत्साही वातावरण संपन्न झाला.यावेळी सकाळी शाळेच्या प्रांगणात विद्यार्थ्यांचे औक्षण करण्यात आले तसेच २री ३री च्या विद्यार्थ्यांनी आपल्या नवीन मित्राचे स्वागत फुगे घेऊन व टाळ्यांच्या गजरात केले.त्यानंतर शाळेकडून विद्यार्थ्यांना पाठ्यपुस्तक वाटप करण्यात आले व रंग पेटी गिफ्ट म्हणुन देण्यात आली.
यावेळी श्री.गुरुदेव गोरोबा स्मारक समिती सचिव मा. सुभाषराव गणपतराव डावरे शालेय व्यवस्थापन समितीच्या अध्यक्षा सौ.कविताताई डावरे . मुख्याध्यापक संभाजी थोरात सर व पालक वर्ग उपस्थित होते. सूत्रसंचालन प्रविण सुरवसे यांनी केले.आभार अपर्णा गदादे यांनी मानले. सदर कार्यक्रम यशस्वी करण्यासाठी सर्व शिक्षक वृंद व शिक्षकेत्तर कर्मचारी यांचे सहकार्य लाभले.
