विकाऊ शिक्षक मतदार हेच आमदार रामनाथ मोतेसर यांचे मारेकरी , अभिवादन सभेत दिलीप मालवणकर यांचा घणाघाती आरोप

उल्हासनगर : उल्हासनगरात राहणारे व कोकण शिक्षक मतदार संघातील लोकप्रिय व कर्तुत्ववान माजी आमदार रामनाथ मोतेसर यांच्या अकाली मृत्युस पैसे घेवुन मतदान करणारे विकाऊ शिक्षकच जबाबदार असल्याचा घणाघाती आरोप ज्येष्ठ पत्रकार व अन्याय विरोधी संघर्ष समितीचे अध्यक्ष दिलीप मालवणकर यानी मोतेसराना अभिवादन करताना केला आहे .उल्हासनगर कॅंप ४ येथिल एन सी टी विद्यालयाच्या सभागृहात दिवंगत मोते सराना महाराष्ट्र राज्य शिक्षण क्रांती संघटनेच्या वतीने आयोजित अभिवादन सभेत मालवणकर बोलत होते . उल्हासनगर येथे राहणारे व कोकण शिक्षक मतदार संघातील लोकप्रिय व कर्तुत्ववान माजी आमदार रामनाथ मोते सर यांचे गेल्या वर्षी अकाली निधन झाले . त्यांच्या स्मृतिना उजाळा देण्यासाठी व अभिवादन करन्यासाठी महाराष्ट्र राज्य शिक्षण क्रांती संघटनाचे राज्य कोषाध्यक्ष देविदास नरवाडे आणि उल्हासनगर शहर अध्यक्ष राजेंद्र गवळी यानी एन सी टी विद्यालयाच्या सभागृहात अभिवादन सभेचे आयोजन केले होते . या सभेच्या अध्यक्ष स्थानी महाराष्ट्र राज्य शिक्षण क्रांती संघटनेचे प्रदेश अध्यक्ष सुधीर घागस हे होते . तर प्रमुख पाहुणे म्हणुन ज्येष्ठ पत्रकार व अन्याय विरोधी संघर्ष समितीचे अध्यक्ष दिलीप मालवणकर , विकास मंदिर प्राथमिक व माध्यमिक शाळेचे अध्यक्ष विष्णु पाटील , एन सी टी विद्यालयाचे संचालक प्रकाश चौधरी हे उपस्थित होते. दरम्यान या अभिवादन सभेला मोठ्या प्रमाणात शिक्षकानी उपस्थित राहुन मोतेसराना अभिवादन केले . दरम्यान अभिवादन करताना मालवणकर यानी घणाघाती आरोप केला . ते म्हणाले की मोतेसरांच्या अकाली मृत्युस पैसे घेवुन मतदान करणारे विकाऊ शिक्षक मतदार हेच जबाबदार आहेत शिक्षक हे विद्यार्थी घडवन्याचे काम करतात . तेंव्हा त्यांनी अशा मार्गाचा अवलंब करायला नको होता . या अभिवादन सभेचे सुत्रसंचालन राजेश गवळी यानी केले .