अट्टल चोरटा अमळनेर पोलीसांच्या जाळ्यात
अमळनेर पोलीस स्टेशन हद्दीत मा . पोलीस अधिक्षक सो . जळगांव यांच्या सुचने प्रमाणे विविध गांवाना ग्राम सरंक्षक पथके स्थापण करण्यात आले असुन सदर ग्राम सरंक्षक पथकातील सदस्यांचे रात्रगस्त करण्याचे योग्य नियोजन करण्यात आले आहे . त्यानुसार दि . २७/०३/२०२२ रोजी मंगरुळ ता . अमळनेर येथील रात्रगस्तकामी असणारे ग्राम सरंक्षण पथकास एक संशयित मिळुन आला होता . सदर पथकातील सदस्यांनी लागलीच पोलीस वाहनास फोन करुन त्याबाबत दिली असता पोलीस वाहन तात्काळ सदर ठिकाणी पोहचले . त्यांनतर पोलीस वाहनांस पाहताच संशयित इसम बेसावध ग्राम सरंक्षक पथक सदस्याच्या हाताला झटका देवुन पळुन गेलो होता . परंतु त्यापुर्वी सदर संशयिताचा फोटो काढण्यात आला होता . त्यावरुन अमळनेर पोलीस सदर संशयिताचे मागावर असतांना तो प्रशांत जगन वारडे रा . गोरगावले ता.चोपडा अशी प्राथमिक माहीती मिळाली होती . त्याच आधारावर सदर संशयित इसमाचा शोध सुरु होता . परंतु सदर संशयित हा अट्टल चोर असल्याने तो नियमित त्याचे वास्तव्याचे ठिकाण बदलत होता . दि . २८/०३/२०२२ रोजी पो.नि. श्री . जयपाल हिरे यांना गुप्त बातमीदारा मार्फत बातमी मिळाली की , वरील घटनेतील संशयित हा सुरत राज्य गुजरात येथे लपुन बसला आहे . त्यावरुन लागलीच पोना . २२०४ मिलींद भामरे , पोना . १३४४ सुर्यकांत साळुंखे , पोकाँ . १३११ निलेश मोरे अश्यांचे पथक तयार करुन त्यांना सुचना व मार्गदर्शन करुन तात्काळ सुरत येथे रवाना केले व सदर संशयित इसमास कडोदरा पोलीसांच्या मदतीने कडोदरा पोलीस स्टेशन हद्दीतुन अत्यंत शिताफिने ताब्यात घेवुन अमळनेर पोलीस स्टेशन येथे परत आले . सदर संशयित इसमास पो.नि. श्री . जयपाल हिरे यांना विश्वासात घेवुन विचारपुस करता त्याने अमळनेर पोलीस स्टेशन हद्दीतुन गु.र.न. ४१ / २०२२ भा.द.वि. कलम ३७ ९ प्रमाणे दाखल गुन्ह्यांतील चोरी केलेली हिरो होंडा पँशन प्रो मो.सा. क्र.एम.एच .१ ९ ए.डब्ल्यु , ९ २०३ काढुन दिली असुन त्यास अधिक विचारपुस करता त्याने अधिक खालील प्रमाणे माल काढुन दिलेला आहे . १ ) ०३ मोटर सायकल , २ ) ०३ लॅपटॉप , ३ ) ०१ चार्जर , ४ ) ॲण्ड्रॉईड व साधे मोबाईल एकुण ० ९ , ५ ) ०२ पितळी समई , ६ ) ०१ शटर फोडण्याचे / तोडण्याचे कटर येणे प्रमाणे वरील आरोपी नामे प्रशांत जगन वारडे वय २६ रा . गोरगावले ता.चोपडा यांस अमळनेर पो.स्टे . गु.र.न. ४१/२०२२ भा.द.वि कलम ३७ ९ प्रमाणे गुन्ह्यांत अटक करण्यात आली आहे . सदर आरोपीतां कडुन अमळनेर पो.स्टे . कडील ०१ गुन्हा , चोपडा शहर पो.स्टे . कडील ०४ गुन्हे उघडकीस आले आहेत . सदर आरोपीतांवर यापुर्वी चोपडा शहर पो.स्टे . व सुरत राज्य गुजरात येथे बरेच गुन्हे दाखल असल्याचे समजुन येत आहे . तसेच सदरचे गुन्हा उघडकीस आणणेकामी पो.नि.श्री . जयपाल हिरे यांनी दिलेल्या सुचना व मार्गदर्शनाखाली पोहेकाँ . २६३८ शरीफखान पठाण , पोना . २२०४ मिलींद भामरे , पोना . १३४४ सुर्यकांत साळुंखे , पोना . ३०५१ सिध्दांत सिसोदे , पोकाँ . १३११ निलेश मोरे यांनी सदरची कामगिरी केली आहे .
