अमळनेर: मुंदडा नगर परिसरात नगरपरिषदेने ८० फुटी डीपी रस्त्यासाठी ७० अतिक्रमण काढले
अमळनेर : विक्की जाधव.
शहरातील मुंदडा नगर भागाततुन जाणाऱ्या ८० फुटी डीपी रस्त्यावरून ७० अतिक्रमणे नगरपरिषदने काढले आहेत.
मुंदडा नगर 1, मुंडडा नगर 2, गुरुकृपा कॉलनीचा मागचा भाग, विद्याविहार कॉलनीचा मागचा भाग आणि ड्रीम सिटीला लागून असलेल्या भागावर अतिक्रमणाचे मोठ्या प्रमाणावर काम असल्याने रस्ता तयार करण्यास अडचणी येत होत्या. अनेक नागरिकांनी येथे घरे, कंपाउंड, पक्के बांधकाम, आणि झाडे लावून ठेवल्याने रस्त्याचे काम करणे कठीण झाले होते.
मुख्याधिकारी तुषार नेरकर यांनी या अतिक्रमणांवर कारवाई केली. या भागातील काही नागरिकांनी या कारवाई विरोध करण्याचा प्रयत्न केला तरी वाहतूक सुरळीत करण्यासाठी तसेच शहराच्या विकासासाठी अतिक्रमण काढणे अत्यंत आवश्यक असल्याचे समजावत, अडथळा ठरणारे सर्व अतिक्रमण काढण्यात आले.
अतिक्रमण काढण्यासाठी बांधकाम विभागाचे अभियंता डिगंबर वाघ, अतिक्रमण विभाग प्रमुख राधेश्याम अग्रवाल, आरोग्य विभाग आणि अतिक्रमण विभागाचे कर्मचारी यांचा सहकार्य लाभले.
यावेळी स्थानिक नागरिकांमध्ये आणि अधिकार्यांमध्ये शाब्दिक वाद झाले. अनेक अतिक्रमण धारकांनी या कारवाईचा विरोध केला आणि काहींनी असा आरोप केला की “काहीचे अतिक्रमण का नाही काढले?” या संदर्भात राजकीय हस्तक्षेप असल्याचा उल्लेख केला.
शहरातील विकासासाठी आणि नागरिकांच्या सुरक्षेसाठी नगरपरिषदाचे हे प्रयत्न अत्यंत महत्त्वाचे आहेत. तरीही, आमच्या शहरात योग्य आणि न्याय्य निर्णय घेण्यासाठी सर्व स्तरावर सहकार्य आणि संगोपन गरजेचे आहे.
