नवीन पिढीने देशाचा इतिहास माहीत करून कार्य करावे – राजवर्धन पाटील

नवीन पिढीने देशाचा इतिहास माहीत करून कार्य करावे – राजवर्धन पाटील
इंदापूर प्रतिनिधी भगवान लोंढे.
कला, विज्ञान आणि वाणिज्य महाविद्यालय इंदापूर ,श्री. नारायणदास रामदास हायस्कूल व कॉलेज इंदापूर ,श्री. नारायणदास रामदास इंग्लिश मीडियम स्कूल आणि श्री. नारायणदास रामदास प्राथमिक विद्यामंदिर इंदापूर यांच्या संयुक्त विद्यमाने इंदापूर महाविद्यालयाच्या प्रांगणामध्ये राष्ट्रीय सहकारी साखर कारखाना नवी दिल्लीचे अध्यक्ष व राज्याचे माजी मंत्री, संस्थेचे अध्यक्ष हर्षवर्धन पाटील यांच्या मार्गदर्शनाखाली भारतीय स्वातंत्र्याचा 78 वा स्वातंत्र्य दिन साजरा करण्यात आला. इंदापूर तालुका शिक्षण प्रसारक मंडळाचे संचालक युवानेते राजवर्धन पाटील यांच्या हस्ते ध्वजारोहण करण्यात आले. यावेळी कार्यक्रमात बोलताना राजवर्धन पाटील म्हणाले की देशाला स्वातंत्र्य मिळवून देण्यासाठी अनेक लोकांनी बलिदान दिले, त्याग केला स्वातंत्र्य लढा उभा केला आणि त्यातून भारताला स्वातंत्र्य मिळाले आहे. नवीन पिढीने देशाच्या इतिहाची माहिती करून घेऊन कार्य करावे .
राष्ट्रीय छात्र सेनेच्या विद्यार्थ्यांनी यावेळी उत्कृष्ट संचलन केले.यावेळी मतदान जनजागृती संदर्भात मतदान प्रतिज्ञा घेण्यात आली.
महाराष्ट्र लोकसेवा आयोगाच्या परीक्षेमधून पास झालेले पोलीस उपनिरीक्षक, महाराष्ट्र पोलीस सेवेत निवड झालेले पोलीस ,सेट परीक्षा पास झालेले विद्यार्थी तसेच राष्ट्रीय पातळीवरील पदक विजेते युवक युवतींचा मान्यवरांच्या हस्ते सन्मान करण्यात आला.
डॉ. शितल माने पवार यांचे मानवतावादी परंपरा के श्रेष्ठ संत तसेच डॉ. राजकुमार शेलार यांचे दलित आत्मकथने आणि भगवान इंगळे यांचे ढोर आत्मकथन या पुस्तकांचे प्रकाशन मान्यवरांच्या हस्ते करण्यात आले.
श्री. नारायणदास रामदास प्राथमिक विद्यामंदिर व श्री. नारायणदास रामदास इंग्लिश मीडियम आणि श्री. नारायणदास रामदास हायस्कूलच्या विद्यार्थ्यांनी देशभक्तीपर गीताचे सादरीकरण करून उपस्थितांची मने जिंकली.
राजवर्धन पाटील म्हणाले की,’ जगाच्या पाठीवर भारताचे स्थान मोठे आहे. भारत युवा देश म्हणून ओळखला जातो . प्रत्येकाने देशप्रेमी राहवे. स्वातंत्र्यासाठी भारतीयांचे बलिदान आणि त्याग लक्षात घ्यावा.मातृभूमी आणि कर्मभूमी भारतासाठी आपण सदैव प्रयत्नशील राहिले पाहिजे.एकमेकांच्या संवादाच्या माध्यमातून आपण एकत्रित कार्य करावे.’
यावेळी जयश्री सचिन गोळे, सायराबानू रहीम शेख, स्वाती धुमाळ , नितीन सरडे या पालकांनी आपले मनोगत व्यक्त केले.
महाविद्यालयाचे प्राचार्य डॉ. जीवन सरवदे यांनी स्वातंत्र्य दिनाच्या सर्वांना शुभेच्छा दिल्या.
उपनगराध्यक्ष धनंजय पाटील , माजी नगरसेवक शेखर पाटील , मच्छिंद्र शेटे , रघुनाथ राऊत , मेघश्याम पाटील , विकास मोरे , प्रा. कृष्णा ताटे , सागर गानबोटे , दादा पिसे , नगरसेवक जगदीश मोहिते , अमोल इंगळे , माऊली चौधरी , दत्तू पांढरे , महादेव पांढरे ,मयूर शिंदे , शिवाजी शिंदे ,गोरख शिंदे ,मुख्याध्यापिका सुप्रिया आगरखेड , मुख्याध्यापिका फौजिया शेख , खैरूनिसा शेख ,ठाकुर सर, डॉ. शिवाजी वीर ,डॉ.भिमाजी भोर , डॉ.सदाशिव उंबरदंड , प्रा.बापू घोगरे ,डॉ.सुरेंद्र शिरसट यावेळी उपस्थित होते.
श्री. नारायणदास रामदास हायस्कूलचे मुख्याध्यापक संजय सोरटे यांनी प्रास्ताविक केले.
कार्यक्रमाचे सूत्रसंचालन क्रीडासंचालक डॉ. भरत भुजबळ यांनी केले.
कार्यक्रमाचे आभार उपप्राचार्य प्रा. दत्तात्रय गोळे यांनी मानले.