रमाईचा त्याग राष्ट्र निर्मीतीसाठी-आ.राजेश टोपे
घनसावंगी (संतोष शिंदे)/-प्रत्येक यशस्वी पुरुषामागे एका स्ञी चा त्याग असतोच परंतु डाॅ.बाबासाहेब आंबेडकर यांच्या यशामध्ये रमाईचा असलेला त्याग त्यांच्या कुटुंबासाठी नसून अखिल राष्ट्रासाठी असल्याचे प्रतिपादन आ.राजेश टोपे यांनी केले.
सौ.मनिषाताई टोपे व विद्रोही बिएमसी विचार मंच यांच्या वतीने आयोजित करण्यात आलेल्या त्यागमुर्ती माता रमाई यांच्या 126 व्या जयंतीनिमित्त आयोजित कार्यक्रमांमध्ये आ.राजेश टोपे बोलत होते.कार्यक्रमाच्या प्रास्ताविकामध्ये सौ.मनिषाताई टोपे यांनी दरवर्षी रमाई जयंती घेण्याचा उद्देश सांगत असताना महिलांना आपल्या पतीच्या संघर्षात खांद्याला खांदा लावून उभा रहाण्याचे आवाहन केले.
यावेळी सुप्रसिद्ध गायक अरुण घुले यांच्या भिमगिताच्या कार्यक्रमाचे आयोजन केले होते.यावेळी तालुक्यातील प्रमुख पदाधिकारी,शेकडो अंबेडकरी अनुयायी महिला,पुरुष उपस्थित होते.
