संदेश दादा हस्तकला कार्यानुभव शिक्षण अध्यापक विद्यालयाचा 100% निकाल
कु. स्नेहल मल्लाव यांचा राज्यात प्रथम क्रमांक
प्रतिनिधी /अजिनाथ कनिचे
हस्तकला कार्यानुभव शिक्षक कोर्स M.S.B.V.बोर्ड मुंबई यांच्यामार्फत घेण्यात आलेल्या परीक्षेचा निकाल नुकताच जाहीर झाला असून विविध ठिकाणी परीक्षा घेण्यात आल्या या परीक्षेत संदेश दादा हस्तकला कार्यानुभव शिक्षक अध्यापक विद्यालय तारापूर ता. पंढरपूर जि. सोलापूर या विद्यालयाचा निकाल 100% लागला आहे. या विद्यालयाचे प्रथम क्रमांक कुमारी स्नेहल हनुमंत मल्लाव 95%, द्वितीय क्रमांक मुल्ला रियाज 84% तर तिसरा रूपाली रणदिवे यांनी मिळवला.
यामधील स्नेहल मल्लाव हिने महाराष्ट्र राज्य विकास परिक्षा मंडळ मुंबई बोर्डात प्रथम क्रमांक मिळवला. विद्यालयाचे संस्थापक प्राचार्य हनुमंत मल्हाव व संचालिका सौ. लक्ष्मी मल्लाव यांनी प्रत्यक्ष तासिका घेऊन विद्यार्थ्यांना वेळोवेळी मार्गदर्शन केले. तसेच परीक्षा काळात ही प्रत्यक्ष तासिका घेऊन अध्यापन केले. अभ्यासाचा सराव करून घेतला.
एवढेच नव्हे तर परीक्षा काळात ही लांबून येणाऱ्या विद्यार्थ्यांची गैरसोय होऊ नये. म्हणून त्यांची विद्यालयातच राहण्याची व जेवण्याची व्यवस्था केली होती. विद्यालयाचे संस्थापक अध्यक्ष तथा प्राचार्य हनुमंत मल्हाव व संचालिका सौ. लक्ष्मी मल्लाव यांनी परीक्षेत यश संपादन केलेल्या विद्यार्थ्यांचे अभिनंदन केले. यावेळी तारापूर गावचे सरपंच विश्वनाथ कोळी, सदस्य लियकत मुलानी, राम गायकवाड, कारखान्याचे चेअरमन सतीश निर्मळ, अतुल नगरे, अशोक नगरे, नाना सल्ले, सागर कुंभार आदी उपस्थित होते.
