शिरपूर : आगामी काळात होणार्‍या विधानसभा, लोकसभा निवडणुका जिंकण्यासाठी बूथ सक्षमीकरणावर भर देण्यात येत आहे. विधानसभा निवडणुकीत भाजप दोनशे प्लस, महाराष्ट्रात लोकसभा निवडणुकीत ४५ प्लस व केंद्रात ४०० प्लस जागा मिळवेल यासाठी भाजपच्या बूथ सशक्तीकरण कार्यशाळेचे पक्षातर्फे आयोजन करण्यात येत असल्याचे भाजपा प्रदेश उपाध्यक्ष बबनराव चौधरी यांनी सांगितले. शिरपूर शहर व तालुका भारतीय जनता पार्टी तर्फे बूथ सशक्तीकरण कार्यशाळा दि. ५ मार्च रोजी येथील भाजपा कार्यालयात आयोजित करण्यात आले होते. त्यावेळी ते बोलत होते. यावेळी धुळे भाजप जिल्हा सरचिटणीस अरुण धोबी, तालुकाध्यक्ष किशोर माळी, जिल्हा चिटणीस चंद्रकांत पाटील, ओबीसी मोर्चा जिल्हा सरचिटणीस संजय आसापुरे, भाजपा तालुका सरचिटणीस मंगेश भदाणे, तालुका कार्यालय प्रमुख देवेंद्र देशमुख, शहर सरचिटणीस महेंद्र पाटील, रोहित शेटे, शहर उपाध्यक्ष प्रशांत चौधरी, युवा मोर्चा शहराध्यक्ष विक्की चौधरी, किसान मोर्चा तालुकाध्यक्ष लोटन पाटील, हिंगोणी ग्राम पंचायत सदस्य मिलिंद पाटील, जगन्नाथ पाटील, अजिंक्य शिरसाठ, अशोक माथणे, रमेश चौधरी, राजुलाल मारवाडी, रविंद्र राजपुत, सुनिल माळी, नितिन पाटील आदी उपस्थित होते. बबनराव चौधरी पुढे म्हणाले की, सर्व बूथप्रमुखांनी आपल्या मोबाईल मध्ये नमो पे, सरल पे, माय गव्हर्नमेंट पे व वोटर हेल्थ प डाऊनलोड करणे आवश्यक आहे. तसेच सर्व बूथ प्रमुखांनी आपला व्हाट्सअपचा ग्रुपही तयार करावा. या माध्यमातून सरकारच्या योजना लोकांपर्यंत पोहोचवणे सहज शक्य होणार आहे. मेरा बूथ सबसे मजबूत या नुसार सर्वांनी मतदारांशी प्रत्यक्ष संपर्क साधत त्यांना सर्व योजनांचा लाभ मिळवून देण्या करता प्रयत्न करावे. विविध योजनांची माहिती उपस्थित बुध प्रमुखांना द्यावी. तसेच सर्व बूथ प्रमुखांनी पन्ना प्रमुखांची नियुक्ती करत मतदारांशी प्रत्यक्ष संपर्क करावा.
आपण जगातील नंबर एकच्या राजकीय पार्टीचे सदस्य असून आपली ही पार्टी नुसती राजकीय पार्टी नसून एक परिवार आहे. तसेच सर्व कार्यकर्त्यांनी सरल ॲप फॉर्म मध्ये पूर्ण माहिती भरणे अनिवार्य आहे. भाजपा संघटन महाविस्तार अभियान (डेटा व्यवस्थापन व उपयोग) मध्ये संघटन ॲप सरल डाऊनलोड करण्यासाठी खालील लिंकवर क्लिक करा आणि तुमची माहिती भरा: https://bjpsrl.in/s/iiw3 तसेच 78200 78200 या नंबरवर missed call देऊनही ‘सरल ॲप’ डाऊनलोड करता येते आगामी निवडणुकीच्या दृष्टीने भाजपकडून बूथ सक्षमीकरण कार्यक्रम राबविण्यात येत आहे असे बबनराव चौधरी यांनी सांगितले. या बैठकीला शहर व तालुक्यातील प्रदेश, जिल्हा, शहर व तालुका पदाधिकारी, मोर्चा, आघाडी, प्रकोष्ट, सेल अध्यक्ष, शक्ती केंद्रप्रमुख, बूथ प्रमुख यांच्यासह कार्यकर्त्यांची उपस्थिती होती.
