अबब:सरपंच पदासाठी 11 व सदस्य पदासाठी 91 अर्ज मदनवाडी ग्रामपंचायत निवडणुकीसाठी दाखल, गाव पातळीवर नेत्यांनी आत्मचिंतन करण्याची गरज
(निलेश गायकवाड )
26 ग्रामपंचायतीच्या निवडणुकीची प्रक्रिया पार पडत आहे. काल शेवटची मुदत अर्ज दाखल करण्याची असल्याने इंदापूर तालुक्यातील युवकांनी व प्रस्थापितांनी अर्ज दाखल केले आहेत. यामध्ये प्रामुख्याने विशेष मदनवाडी ग्रामपंचायतच्या वतीने सर्वाधिक अर्ज दाखल झाले आहेत ग्रामपंचायत मध्ये पाच वार्ड साठी तेरा सदस्य व एक सरपंच अशी पदसंख्या असल्याने 13 जागेसाठी तब्बल 91 अर्ज व एक सरपंच जागेसाठी 11 अर्ज दाखल. मदनवाडीच्या इतिहासामध्ये पहिल्यांदाच असे चित्र दिसल्याने इंदापूर तालुक्यात सर्वत्र चर्चा होत आहे.
इतक्या मोठ्या प्रमाणावर अर्ज आल्याने गावाच्या गाव कारभाऱ्यांवर व नेत्यांवर प्रश्नचिन्ह उभे राहिले आहे . नेमके एवढे अर्ज दाखल करण्याचे कारण अजून देखील स्पष्ट झालेले नाही. यामध्ये युवकांचा वाढता प्रभाव व प्रत्येक समाजातील व्यक्ती पुढे येताना दिसत आहे . यामध्ये असे म्हणावे लागेल की शुभ विचाराने समाज एकीकडे जागृत होऊन आपल्या मूलभूत हक्कांसाठी लढत आहे व पुढे येण्याचा प्रयत्न करत आहे, त्याच्याच विरोधात भूमिका अशी म्हणावी लागेल की गाव कारभाऱ्यांवर व नेत्यांवर वाढती नाराजी दिसू लागली आहे . त्यामुळे यंदाच्या निवडणुकीमध्ये काहींसाठी ही दिलासादायक बातमी व काहींसाठी धोक्याची घंटा पुढील होणाऱ्या मतदान रुपी आशीर्वादामध्ये मिळते की काय हे बघावे लागेल ….
