राष्ट्रकुल स्पर्धांमधे भारोत्तोलनात संकेत सरगर याला रौप्य तर गुरूराजा पुजारी याला कांस्यपदक
सांगलीच्या संकेत महादेव सरगरनं, इंग्लंडमध्ये सुरु असलेल्या बर्मिंगहॅम राष्ट्रकुल क्रीडा स्पर्धेत,आज भारोत्तोलनात रौप्य पदक पटकावून भारताला पदकांचं खातं उघडून दिल्यानंतर, सांगलीमध्ये आज जल्लोष करण्यात आला. भारोत्तोलनात गुरुराज पुजारीनं ६१ किलो वजनी गटात कांस्य पदक प्राप्त केलं आहे.
पंतप्रधान नरेंद्र मोदी तसेच माहिती आणि प्रसारण मंत्री अनुराग ठाकुर यांनी संकेतचं अभिनंदन केलं.
दोन महिन्यांपूर्वी हरयाणात पंचकुला इथं झालेल्या खेलो इंडिया युवा क्रीडास्पर्धेत, संकेतची लहान बहीण काजल सरगरनं भारोत्तोलनातच महाराष्ट्राला पहिलं सुवर्णपदक जिंकून दिलं होतं. संकेतचे आई-वडील आणि बहीण तसच प्रशिक्षक यांनी संकेतच्या यशाबद्दल आनंद व्यक्त केला आहे.
