“साने गुरुजी कन्या हायस्कूल अमळनेर येथे सेवा संकल्प अभियान अंतर्गत विविध उपक्रम”
अमळनेर : विक्की जाधव.
साने गुरुजी कन्या हायस्कूल मध्ये सेवा संकल्प अभियान अंतर्गत पुढील प्रमाणे विविध उपक्रम राबविण्यात आले . स्वच्छता मोहीम , वृक्षारोपण ,चित्रकला स्पर्धा , वकृत्व स्पर्धा ,व्याख्यान आयोजन, फिट इंडिया योग व ध्यान सत्र,व विद्यार्थी लाभाच्या योजना .दिनांक 5/10 / 26 वार सोमवार रोजी व्याख्यान आयोजन हा उपक्रम राबविण्यात आला .कार्यक्रम प्रसंगी अमळनेर येथील बांधकाम व्यावसायिक व अमळनेर नगरीचे उप -नगराध्यक्ष श्री .माननीय प्रशांत निकम यांना यशस्वी उद्योजक म्हणून आमंत्रित करण्यात आले होते . सदर कार्यक्रम प्रसंगी शाळेच्या मुख्याध्यापिका श्रीमती .अनिता बोरसे मॅडम यांनी अध्यक्षस्थान स्वीकारले मान्यवरांचे हस्ते प्रतिमेचे पूजन करून प्रमुख पाहुणे श्री प्रशांत निकम यांचा सत्कार करण्यात आला . कार्यक्रमाचे प्रास्ताविक करताना शाळेच्या मुख्याध्यापिका श्रीमती . अनिता बोरसे मॅडम म्हणाल्या प्रत्येक यशस्वी उद्योजका मागे त्यांची मेहनत व त्यांचे श्रम व त्यांची इमानदारी हे गुण असतात . म्हणूनच त्यांचे नाव यशस्वी उद्योजकांमध्ये सन्मानाने घेतले जाते .त्यांनी प्रमुख पाहुणे यांचा परिचय करून दिला . तुम्ही सुद्धा भविष्यात असेच यशस्वी उद्योजक व्हाल अशी अपेक्षा करते . ते एक यशस्वी राजकारणी असून ते अमळनेर नगरीचे उप-नगराध्यक्ष आहेत . मान्यवरांच्या हस्ते वकृत्व स्पर्धेत यशस्वी विद्यार्थिनींचा सत्कार करण्यात आला .प्रथम -वैष्णवी पवार 8 वी/ब द्वितीय – स्नेहा शिंदे 8 वी- अ तृतीय – भाविका पाटील 8वी ब उत्तेजनार्थ -हिरल पाटील 8 वी ब प्रमुख पाहुणे विद्यार्थिनींना मार्गदर्शन करतांना म्हणाले तुम्ही कुठलेही काम कमी लेखू नका त्या कामांमध्ये स्वतःला झोकून द्या व कामाशी मेहनत इमानदारी व सत्य या तीन गुणांचा ताळमेळ ठेवा मग तुम्ही प्रत्येक व्यवसायात यशस्वी व्हाल . नोकरीचे मागे न धावता स्वतः मालक व्हा व दुसऱ्यांना काम द्या .हीच खरी यशस्वी उद्योजकाची गुरुकिल्ली होय . सदर कार्यक्रमास संस्थेचे अध्यक्ष माननीय श्री . आबासो . हेमकांत पाटील, व सचिव दादासाहेब श्री . संदीप घोरपडे व संचालक मंडळ यांनी शुभेच्छा दिल्या .कार्यक्रमाचे सूत्रसंचलन श्री . मुकेश पाटील सर व आभार श्री. दिलीप पाटील सर यांनी मानले कार्यक्रम यशस्वी करण्यासाठी श्री .देशमुख सर, श्री . साळुंके सर,श्री .महाजन सर, सौ . वैद्य मॅडम,श्रीमती वानखेडे मॅडम व सौ वंजारी मॅडम यांनी प्रयत्न केले .
