बांधकाम क्षेत्रातील एका नवउद्यम कंपनीच्या पुणे आणि ठाणे कार्यालयांवर छापे
निलेश गायकवाड
महाराष्ट्रासह देशाच्या पाच राज्यात २३ कार्यालये आणि सुमारे ६००० कोटी रुपयांची वार्षिक उलाढाल असणाऱ्या बांधकाम क्षेत्रातील एका नवउद्यम कंपनीच्या पुणे आणि ठाणे कार्यालयांवर काल आयकर विभागानं छापे टाकले.
यावेळी सुमारे १ कोटी रुपयांची रोकड, २२ लाखांचे दागिने, तसंच मोठ्या प्रमाणात कागदपत्रे आणि संगणकिय डाटा जप्त करण्यात आला. ही नवउद्यम कंपनी बनावट शेल कंपन्याद्वारे नफेखोरी, हवाला रॅकेट, परदेशी चलनांचा गैरव्यवहार, करचुकवेगिरी इत्यादी गुन्ह्यात सहभागी असल्याचं सदर कागदपत्रांच्या पडताळणीतून स्पष्ट होतंय, असं आयकर विभागानं एका प्रसिद्धी पत्राकाद्वारे कळवलं आहे.
