निंबोडीत मोफत मोबाईल ॲम्बुलन्स आरोग्य शिबीर : 70 ग्रामस्थांनी घेतला लाभ
(निलेश गायकवाड)
बारामती, निंबोडी : प्रतिनिधी
लोकसभा मतदारसंघातील ग्रामीण भागातील नागरिकांना आरोग्यसेवा थेट दारी पोहोचवण्यासाठी एग्रीकल्चर डेव्हलपमेंट ट्रस्टच्या वतीने सुरू करण्यात आलेल्या “मोफत मोबाईल ॲम्बुलन्स आरोग्य तपासणी शिबिराचा” उपक्रम निंबोडी येथे राबवण्यात आला.
लोकनेते स्व. अजितदादा पवार यांच्या पवित्र स्मृतीस अभिवादन म्हणून आज दि. 03/08/2026 रोजी ग्रामपंचायत निंबोडीच्या वतीने ग्रामपंचायत कार्यालयासमोर हे शिबीर आयोजित करण्यात आले होते.
शिबिरात कोणत्या तपासण्या?
या फिरत्या प्राथमिक उपचार दवाखान्यात ग्रामस्थांसाठी पुढील मोफत सुविधा देण्यात आल्या:
1. बीपी आणि शुगर तपासणी
2. डोळ्यांची मोफत तपासणी
3. मोफत औषध वाटप – थंडी, ताप, खोकला आणि गुडघेदुखीवरील औषधांसह सर्व आवश्यक गोळ्या मोफत वितरित करण्यात आल्या.
शिबिराला उत्स्फूर्त प्रतिसाद
शिबिराला नागरिकांचा मोठा प्रतिसाद मिळाला. एकूण 70 रुग्णांनी या शिबिराचा लाभ घेतला. यामध्ये 18 महिला आणि 52 पुरुष रुग्णांचा समावेश होता.
प्रमुख उपस्थिती
या उपक्रमासाठी एग्रीकल्चर डेव्हलपमेंट ट्रस्टचे चेअरमन राजेंद्र दादा पवार आणि सौ. सुनंदाताई पवार यांच्या मार्गदर्शनाखाली शिबीर पार पडले.
उपस्थित मान्यवर: सरपंच श्री. संतोष सोनवणे, माजी उपसरपंच श्री. नामदेव बाड, माऊली बाड, ग्रामविकास अधिकारी अनिल जगताप, ग्रामपंचायत कर्मचारी मंगेश खंडागळे, गणेश खंडागळे.
इतर ग्रामस्थ: अतुल लावंड, पांडुरंग विधाते, रमेश सोनवणे, अंबादास खडके, दीपक ठोंबरे, तुकाराम कुंभार.
आरोग्य पथक: आरोग्य अधिकारी विकास कापसे, आशा सेविका रुपाली धुमाळ, प्राजक्ता सुतार, अंगणवाडी सेविका चंपा खडके, सोनाली मोहिते.
एग्रीकल्चर डेव्हलपमेंट ट्रस्टचे डॉक्टर राहुल सरोदे, सहकारी दत्तात्रय कढणे आणि ट्रस्टचे इतर कर्मचारी या आरोग्य शिबिरात सहभागी होते.
ग्रामीण भागातील आरोग्यविषयक समस्या सोडवण्यासाठी ट्रस्टच्या माध्यमातून असेच आरोग्य शिबिरे यापुढेही घेतली जातील, अशी माहिती आयोजकांनी दिली.
