“‘देऊळ बंद 2’चा बॉक्स ऑफिसवर धडाका; मोठ्या सिनेमांनाही फुटला घाम!
मार्मिक न्यूज नेटवर्क : विक्की जाधव.
स्वामी समर्थांच्या कृपेने ‘देऊळ बंद 2’चा बॉक्स ऑफिसवर धडाका!
सध्या सर्वत्र चर्चेत असलेल्या ‘देऊळ बंद 2’ या चित्रपटाने अवघ्या चार दिवसांत दमदार कमाई करत मोठ्या सिनेमांनाही घाम फोडला आहे. अध्यात्म, श्रद्धा आणि समाजाला विचार करायला लावणारा विषय यामुळे प्रेक्षकांकडून चित्रपटाला मोठा प्रतिसाद मिळताना दिसत आहे. विशेषतः स्वामी समर्थ भक्तांमध्ये या सिनेमाची मोठी क्रेझ निर्माण झाली आहे.
चित्रपटातील भावनिक प्रसंग, दमदार अभिनय आणि श्रद्धेला स्पर्श करणारा संदेश यामुळे अनेक प्रेक्षक भारावून जात आहेत. “फक्त मनोरंजन नाही तर समाजाला दिशा देणारा सिनेमा” अशा प्रतिक्रिया प्रेक्षकांकडून व्यक्त होत आहेत. ग्रामीण भागापासून शहरांपर्यंत अनेक थिएटरमध्ये हाऊसफुल्लचे बोर्ड झळकत असून कुटुंबासह चित्रपट पाहण्यासाठी गर्दी होत आहे.
दरम्यान, प्रत्येक स्वामी भक्ताने हा सिनेमा एकदा तरी पाहावा, अशी भावना अनेक भक्त व्यक्त करत आहेत. श्रद्धा, विश्वास आणि अध्यात्मिक शक्ती यांचे प्रभावी दर्शन घडवणारा ‘देऊळ बंद 2’ सध्या बॉक्स ऑफिसवर यशाची नवी उंची गाठताना दिसत असून आगामी दिवसांतही चित्रपटाची कमाई आणखी वाढण्याची शक्यता व्यक्त केली जात आहे.
