दौंडच्या शिरपेचात मानाचा तुरा; डॉ. बबन सुरेश माने यांना वाणिज्य विषयात ‘पीएच.डी .
प्रतिनिधी – विकी ओहोळ
8446119158
दौंड – ज्ञानवर्धक संशोधनाच्या क्षेत्रात आपल्या कर्तृत्वाचा ठसा उमटवत, दौंड येथील डॉ. बबन सुरेश माने यांनी शिक्षण विश्वात एक दैदिप्यमान यश संपादन केले आहे. सावित्रीबाई फुले पुणे विद्यापीठाच्या वतीने त्यांना नुकतीच वाणिज्य (Commerce) या विषयात सर्वोच्च समजली जाणारी ‘पीएच.डी.’ पदवी प्रदान करण्यात आली आहे. डॉ. माने यांनी “Impact Analysis of Selected Welfare Schemes Implemented by Pune Municipal Corporation” या अत्यंत महत्त्वपूर्ण आणि सामाजिकदृष्ट्या संवेदनशील विषयावर आपला उत्कृष्ट शोधप्रबंध सादर केला होता, ज्यासाठी त्यांना प्रा. डॉ. व्ही. बी. बैरागी यांचे मोलाचे मार्गदर्शन लाभले. त्यांचे हे संपूर्ण संशोधन कार्य पद्मश्री विखे पाटील कॉलेज, लोणी-प्रवरानगर (जि. अहिल्यानगर) येथे यशस्वीरीत्या पूर्ण झाले. विशेष म्हणजे डॉ. माने यांची ही केवळ एकमेव उपलब्धी नसून, त्यांच्या नावावर पदव्यांचा एक अथांग महासागरच आहे. त्यांनी आतापर्यंत B.Com (Bkg), B.Com (Mktg), M.Com, MBA (Fin), MBA (HR), BA (Eco), MA (Eco) या पदव्यांसह DTL, GDC&A आणि B.Ed हे अभ्यासक्रमही पूर्ण केले आहेत. इतकेच नव्हे तर अत्यंत कठीण समजल्या जाणाऱ्या SET (Com), NET (Com) आणि NET (Eco) या राष्ट्रीय व राज्यस्तरीय पात्रता परीक्षांमध्येही त्यांनी घवघवीत यश मिळवले आहे. केवळ जिद्द, अथांग परिश्रम आणि चिकाटीच्या जोरावर डॉ. माने यांनी मिळवलेल्या या अभूतपूर्व बहुमानामुळे दौंडच्या शिरपेचात मानाचा तुरा रोवला गेला असून, त्यांच्या या अफाट ज्ञानसाधनेबद्दल सर्वच स्तरांतून त्यांच्यावर अभिनंदनाचा आणि कौतुकाचा वर्षाव होत आहे.
