“क्षणभरात हादरलं हेलिपॅड; राष्ट्रपती मुर्मूंचा थरारक अनुभव!”
केरळ मार्मिक न्यूज नेटवर्क :
राष्ट्रपती द्रौपदी मुर्मू यांच्या केरळ दौर्यादरम्यान एक हृदयाचा ठोका चुकवणारी घटना घडली. त्यांचं हेलिकॉप्टर उतरल्यानंतर क्षणातच हेलिपॅडचा भाग खचला, मात्र सुरक्षा पथकाच्या तत्परतेमुळे एक मोठा अपघात टळला.
घटनेची वेळ होती सकाळची राष्ट्रपतींचं हेलिकॉप्टर शांतपणे उतरलं आणि स्वागतासाठी अधिकारी धावत येत होते, एवढ्यात हेलिपॅडचा एक कोपरा हलल्यासारखा जाणवला. काही क्षणांसाठी परिसरात तणाव पसरला, पण पायलट आणि सुरक्षाकर्मचाऱ्यांनी प्रसंगावधान राखत परिस्थिती नियंत्रणात आणली.
या घटनेनंतर राष्ट्रपती मुर्मू यांनी सर्वांची विचारपूस केली व स्थानिक प्रशासनाने तात्काळ तांत्रिक तपासणी सुरू केली आहे. सुदैवाने, कोणतीही जीवितहानी किंवा दुखापत झालेली नाही.
राष्ट्रपतींचा केरळ दौरा नियोजित कार्यक्रमाप्रमाणे सुरू असून, या घटनेनंतर सुरक्षा व्यवस्थेकडे अधिक लक्ष देण्याचे निर्देश देण्यात आले आहेत.
