भिगवण पोलिसांची कौतुकास्पद कामगिरी;अट्टल चोरट्याच्या आवळल्या मुस्क्या,१लाख किंमतीचा मुदद्माल केला हस्तगत …
(निलेश गायकवाड)
भिगवन पोलिसांच्या वतीने कौतुकास्पद कामगिरीबद्दल सर्वच स्तरातून कौतुक होत आहे. पोलिसांनी दिलेल्या माहितीप्रमाणे संदीप सिंह गिल्ल पोलीस अधीक्षक सो , पुणे ग्रामीण यांनी दिपावली सनाचे अनुशंगाने पोलीस स्टेशनचे हददीत सतर्क पेट्रोलींग करून मालमत्तेविरूध्दचे गुन्हयांना प्रतिबंधक करण्याचे अनुशंगाने दिलेल्या सुचना प्रमाणे
विनोद महांगडे प्रभारी अधिकारी , भिगवण पोलीस स्टेशन यांनी भिगवण पोलीस स्टेशनचे हदगीत दिनांक . 16 ऑक्टोंबर रोजी रोजी रात्रौ १ वा चे सुमारास मौजे अकोले गावचे हददीत पोलीस अंमलदार महेश उगले , सचिन पवार , संतोष मखरे , शहाजी सुद्रीक यांचेसह पेट्रोलींग करीत असताना एक इसम मोटार सायकल वरून संशईत रित्या फिरत असताना मिळुन आला . त्यास त्याचे नाव पत्ता विचारता त्याने त्यांचे नाव गणेश गंगाधर टिंगरे , वय . ४४ वर्ष , रा . लोहार गल्ली , ता . कर्जत , जि . अहिल्यानगर , असे असल्याचे सांगितले .
त्याचे ताब्यात मिळुन अलेल्या मोटार सायकल नंबर . एम.एच .२३ / बी.ई. ७३ ९ ५ बाबत अधिक चौकशी करता तो उडवाउडविची उत्तरे देवु लागला . तो समाधान कारक माहीती देत नव्हता . त्याने सदरची मोटार सायकल ही कोठुन तरी चोरी केल्याची खात्री झाली . त्यामुळे त्यांचेवर भिगवण पोलीस स्टेशन , गुन्हा दाखल करून त्यांचे ताब्यातुन ६०,००० / – रू किंमतीची स्लेंडर मोटार सायकल गुन्हयाचे पुराव्याकामी जप्त केली .
आरोपी नामे गणेश गंगाधर टिंगरे , वय . ४४ वर्ष , रा . लोहार गल्ली , ता . कर्जत , जि . अहिल्यानगर याचेकडे अधिक विचारपुस करीत असताना त्यास पोलीस खाक्या दाखविताच त्याने दिनांक . 13 ऑक्टोंबर रोजी रोजी मौजे मदनवाडी गावचे हददीतुन मदनवाडी पुलाजवळुन एक पॅजो कंपनीवी रिक्षा नंबर . एम . एच . ४२ / बी . २७८३ ही चोरी केल्याची कबुली दिली . सदर बाबत भिगवण पोलीस स्टेशन , गुन्हा असल्याचे निष्पन्न झाले .
त्यामुळे त्यास संबंधीत गुन्हयात अटक करून त्यांचेकडुन ४०,००० / – रू किंमतीची पॅजो कंपनीची रिक्षा नंबर . एम . एच . ४२ / बी . २७८३ ही गुन्हयाचे पुराव्याकानी जप्त केली आहे . तसेच आरोपी गणेश गंगाधर टिंगरे यांचे ताब्यात मिळुन आलेली मोटार सायकल नंबर . एम . एच . २३ / बी.ई . ७३ ९ ५ ही मिरजगाव येथुन चोरी केली असल्याचे तपासामध्ये निष्पन्न झाले असुन सदर बाबत मिरजगाव पोलीस स्टेशन , जि . अहिल्यानगर , गुन्हा दाखल असल्याचे निष्पन झाले .
सदरची कामगिरी मा . संदीप सिंह गिल्ल सो , पोलीस अधीक्षक , पुणे ग्रामीण , गणेश बिरादार अपर पोलीस अधीक्षक , बारामती विभाग , पुणे ग्रामीण , डॉ सुदर्शन राठोड , उपविभागीय पोलीस अधीकारी , बारामती विभाग , यांचे मार्गदर्शनाखाली विनोद महांगडे , सहा . पोलीस निरीक्षक , भिगवण पो.स्टेचे पोलीस अंमलदार महेश उगले , सचिन पवार , संतोष मखरे , शहाजी सुद्रीक यांनी केली आहे .
