पालखी पूजनासह महाआरतीवेळी फुलला भक्तीचा मळा श्री मंगळग्रह मंदिरात दोन दिवसीय नवचंडी महायागाची भक्तिपूर्ण सांगता.
अमळनेर : विक्की जाधव.
शारदीय नवरात्रोत्सवानिमित्त मंगळग्रह सेवा संस्था संचलित श्री मंगळग्रह मंदिरात दोन दिवसीय नवचंडी महायागाचा सोहळा भक्तिपूर्ण वातावरणात संपन्न झाला. सोमवार, दि. २९ सप्टेंबर रोजी उत्साहाने सुरू झालेल्या या महायागाची सांगता मंगळवार, दि. ३० सप्टेंबर रोजी सकाळी पालखी पूजन व महाआरतीसोबत झाली. मंदिर परिसरात भाविकांच्या उपस्थितीत भक्तीचा मळा फुलल्याचे दृश्य पाहून वातावरण दैवी झाले.
दुसऱ्या दिवशी सकाळी मानकऱ्यांच्या हस्ते गणपती पूजन, देवतांचे प्रांतिक पूजन, उत्तरांग हवन, बलिदान व पूर्णाहुती पार पडली. त्यानंतर झालेल्या पालखी पूजन व महाआरतीवेळी मंदिर परिसरात घंटानाद, मंत्रोच्चार आणि भाविकांच्या जयघोषाने वातावरण पवित्र झाले. मंदिराचे मुख्य पुरोहित शुभम वैष्णव यांनी पौरोहित्य केले तर प्रसाद भंडारी, तुषार दीक्षित, जयेंद्र वैद्य आदींनी महायागात सहाय्य केले.
