नाम फाऊंडेशनकडून पूरग्रस्तांना जीवनावश्यक कीटचे वाटप
तांदुळवाडी/प्रतिनिधी:- नाम फाऊंडेशनच्या वतीने माढा तालुक्यातील सिना नदी काठावरील लव्हे,तांदुळवाडी,रिधोरे व पापनस या चार पूरग्रस्त गावांमध्ये २१ किलोच्या ५०० किटचे वाटप माढा वेल्फेअर फाउंडेशनचे अध्यक्ष धनराज शिंदे यांच्या हस्ते वाटप करण्यात आले.या किटमध्ये समावेश चहा,साखर,आटा,हरभरा, तुरदाळ,तांदूळ,मिठ, मसाले,चटणी,हळद सर्व प्रकारच्या दाळी यांसह जीवनावश्यक वस्तूंचा समावेश आहे.
यावेळी धनराज शिंदे म्हणाले की,खासापुरी,चांदणी प्रकल्प,सिना कोळेगाव धरणातून सिना नदीपात्रामध्ये मोठ्या प्रमाणावर सोडलेल्या पाण्यामुळे व माढा तालुक्यामध्ये झालेल्या अतिवृष्टीमुळे नदीला प्रचंड प्रमाणावर महापूर आला असून सीना नदी काठावरील सोळा गावांचे प्रचंड प्रमाणावर नुकसान झाले आहे. अचानक आलेल्या पुरामुळे अनेकांना आपले संसार उपयोगी साहित्य जागेवर सोडून सुरक्षित ठिकाणी स्थलांतर व्हावे लागले तर कित्येकांचे संसार उपयोगी साहित्य पुराच्या पाण्याबरोबर वाहून गेले.पुढील दोन-तीन दिवसात आणखी एक हजार जीवनावश्यक किटचे वाटप उर्वरित नदीकाठच्या पूरग्रस्त गावांना करण्यात येणार आहे.तांदुळवाडी गावामध्ये जीवनावश्यक कीटचे वाटप केल्याबद्दल सरपंच रणजितसिंह पाटील यांनी नाम फाउंडेशन व माढा वेल्फेअर फाउंडेशनचे अध्यक्ष धनराज शिंदे यांचे आभार मानले.
यावेळी नाम फाउंडेशनचे बाळासाहेब शिंदे,नितीन कापसे,सुरेश बागल,ग्राम महसूल अधिकारी विकास कांगणे,ग्रामपंचायत अधिकारी रमाकांत केवटे,स्वप्निल थोरात,प्रमोद भोसले, प्रविण गवळी,नेताजी गवळी,अमोल गवळी,सागर गवळी,सुजित भोसले,विपुल भोसले,अजिनाथ कनिचे,संतोष गवळी,गणेश संपकाळ,नागनाथ जाधव, विक्रम पाटील,दिग्विजय पाटील,पंकज पाटील,धनंजय मोरे,दत्ताआबा कदम,सुमंत गवळी,अतुल गवळी,अतुल परबत,महेश माने, युवराज शिंदे,पपू बनसोडे,विजय कदम आदी उपस्थित होते.
