दौंड शहरात भाजपा ला मोठे खिंडार शहराध्यक्षासह जवळच्या अनेक पदाधिकाऱ्यांनी दिला राजीनामा! शिवसेना शिंदे गटासोबत की आणखी कोणत्या पक्षासोबत काम करणार याकडे सर्वांचे लक्ष.
प्रतिनिधी – विकी ओहोळ
8446119158
दौंड – दौंड शहरात गेल्या अनेक दिवसांपासून सुरू असलेले राजीनामा सत्र अखेर पूर्णत्वास भारतीय जनता पार्टीचे दौंड शहर अध्यक्ष स्वप्निल शहा यांनी आपल्या पदाचा अधिकृत सोशल मीडिया हँडलवरून राजीनामा दिला असून, त्यांच्या सोबत त्यांच्या जवळच्या काही खास पदाधिकाऱ्यांनी सुद्धा साथ सोडणार नाही अशा पद्धतीने स्वतः च्या मर्जीने राजीनामा दिला यामुळे स्थानिक राजकीय वर्तुळात मोठी खळबळ उडाली . शहा यांच्या नाराजीच्या चर्चा गेल्या काही दिवसांपासून सुरू होत्या. त्यादरम्यान त्यांनी दिल्ली येथे पक्ष कार्यालयात अनेक वरिष्ठांशी भेट घेतली होती. त्यामुळे ते कोणत्या पक्षात जाणार याबाबत तर्कवितर्क सुरू झाले होते.
आज मात्र शहा यांनी आपल्या अधिकृत सोशल मीडिया हँडलवरून भाजप दौंड शहराध्यक्ष पदाचा राजीनामा दिल्याची घोषणा केली. त्यांनी आपला राजीनामा भाजपा पुणे जिल्हा (दक्षिण) अध्यक्ष शेखरजी वडणे यांच्याकडे सुपूर्त केला आहे,आपल्या राजीनाम्यात शहा यांनी “माझ्या वैयक्तिक कामामुळे मला पक्षासाठी पुरेसा वेळ देता येत नाही. त्यामुळे मी शहराध्यक्ष पदाचा राजीनामा देत आहे व सध्या माझ्याकडे कोणत्याही पक्षाचे पद नाही.” त्यांनी पुणे जिल्हा व्यापारी आघाडीचे उपाध्यक्ष, अध्यक्ष अशा जबाबदाऱ्या सांभाळल्या होत्या.
शहा यांच्या राजीनाम्यानंतर भाजपच्या दौंड शहर संघटनात मोठी दुफळी पडल्याचे चित्र दिसत असून, येणाऱ्या जिल्हा परिषद, पंचायत समिती आणि नगरपरिषद निवडणुकांमध्ये पक्षाला फटका बसण्याची शक्यता वर्तवली जात आहे.
न्यूज
ब्रेकिंग
