संतोष शिंदे यांची महाराष्ट्र राज्य प्रसिद्धी प्रमुखपदी निवड

संतोष शिंदे यांची महाराष्ट्र राज्य प्रसिद्धी प्रमुखपदी निवड

जालना/- महाराष्ट्र राज्य परिट (धोबी) सेवा मंडळाकडून समाजकार्यातील उल्लेखनीय कामगिरी व अनुभव लक्षात घेऊन येथील संतोष शिंदे यांची महाराष्ट्र राज्य प्रसिद्धी प्रमुख या पदावर नियुक्ती करण्यात आली आहे.
दिं.28 छत्रपती संभाजीनगर येथे परिट (धोबी) समाज मेळाव्याप्रसंगी ही नियुक्ती महाराष्ट्र राज्य परिट (धोबी) सेवा मंडळाचे संस्थापक अध्यक्ष श्री.बालाजी शिंदे यांच्या हस्ते अधिकृत नियुक्तीपत्र देऊन करण्यात आली. परिट (धोबी) समाजातील ज्वलंत प्रश्न सोडविण्यासाठी सातत्याने संघर्ष करून समाजहितासाठी काम करण्याच्या अपेक्षेने ही जबाबदारी सोपविण्यात आल्याचे मंडळाकडून सांगण्यात आले.
नियुक्तीनंतर समाजबांधवांमध्ये उत्साहाचे वातावरण असून, संतोष शिंदे यांच्या पुढील कार्यासाठी अनेकांनी शुभेच्छा दिल्या.
यावेळी विजयराव देसाई, गणेश जगताप, कैलास तेलंग, शंकर बनसोडे, साईनाथ हजारे, राजेंद्र शेठ सोनवणे, सुधीर जाधव यांच्यासह महाराष्ट्रातील विविध जिल्ह्यांतील पदाधिकारी व कार्यकर्ते उपस्थित होते.