वादळी वाऱ्यासह पावसाचा आहाकार रस्त्यावरील नाले आणि विहिरींच्या पाण्याची पातळी सारखीचं..
अमळनेर : विक्की जाधव.
तालुक्यासह संपूर्ण जळगाव जिल्ह्यात परतीच्या पावसाने अक्षरशः थैमान घातले आहे. अनेक ठिकाणी रस्त्यावरील नाले आणि विहिरींच्या पाण्याची पातळी सारखी झालेली दिसत आहे. सततच्या पावसामुळे गावोगाव जनजीवन विस्कळीत झाले असून, शेतकरी चिंतेत सापडले आहेत. हवामान खात्याने महाराष्ट्रातील काही भागात रेड अलर्ट तर काही ठिकाणी ऑरेंज अलर्ट जाहीर केला असून, अजून दोन-तीन दिवस पाऊस कायम राहणार असल्याचे संकेत दिले आहेत.
प्रसिद्ध उद्योजक अमेय भाऊ मुंदडा यांना वाढदिवसाच्या मनःपूर्वक शुभेच्छा मार्मिक समाचार टीम.
या मुसळधार पावसामुळे खरीप हंगामाचे मोठ्या प्रमाणावर नुकसान झाले आहे. सोयाबीन, कापूस, भात यासह विविध पिके पाण्याखाली गेल्याने शेतकरी हातावर हात धरून बसले आहेत. शेतातील पिके वाहून गेल्याने किंवा कुजून नष्ट झाल्याने शेतकऱ्यांची आर्थिक स्थिती डळमळीत झाली आहे. शेतात उभे असलेले सोनेमोल पीक एका रात्रीत गाडले गेल्याचे चित्र अनेक ठिकाणी दिसून येत आहे. शेतकऱ्यांनी शासनाला तातडीने मदतीचे आवाहन केले असून, प्रति हेक्टरी ५० हजार रुपये नुकसान भरपाई मिळावी, अशी ठाम मागणी केली आहे. या पार्श्वभूमीवर येत्या ५ ऑक्टोबर रोजी अमळनेरच्या इंदिरा भवनात बच्चुभाऊ कडू यांच्या उपस्थितीत मोठी सभा आयोजित करण्यात आली आहे. या सभेत शेतकऱ्यांना संबोधित करून संपूर्ण महाराष्ट्रात झालेल्या नुकसान भरपाईच्या प्रश्नांवर आणि शेतीमालाला योग्य भाव मिळण्यासाठी ठोस भूमिका जाहीर केली जाणार आहे.
