शेतकऱ्यांच्या समस्या प्रत्यक्ष ऐकण्यासाठी मुख्यमंत्री देवेंद्र फडणवीस यांनी पाचोरा, भडगाव, जामनेर, मुक्ताईनगर, भुसावळ, जळगाव आणि एरंडोल तालुक्यांचा दौरा
अमळनेर : विक्की जाधव
जळगाव जिल्ह्यातील शेतकऱ्यांच्या समस्या प्रत्यक्ष ऐकण्यासाठी मुख्यमंत्री देवेंद्र फडणवीस यांनी पाचोरा, भडगाव, जामनेर, मुक्ताईनगर, भुसावळ, जळगाव आणि एरंडोल तालुक्यांचा दौरा करून शेतकऱ्यांशी थेट संवाद साधला. अतिवृष्टीमुळे झालेल्या पिकांच्या नुकसानीची माहिती घेताना त्यांनी शेतकऱ्यांच्या व्यथा जाणून घेतल्या आणि शासन त्यांच्या पाठीशी ठामपणे उभे असल्याचा विश्वास दिला.
मुख्यमंत्री फडणवीस यांनी स्पष्ट केले की, “शासन शेतकऱ्यांना निकषांच्या चौकटीत न अडकवता जास्तीत जास्त मदत देईल. एकही शेतकरी मदतीपासून वंचित राहणार नाही.” त्यांच्या या भूमिकेमुळे शेतकऱ्यांमध्ये दिलासा निर्माण झाला.
या दौऱ्यात मंत्री गिरीश महाजन, मंत्री संजय सावकारे, मंत्री गुलाबराव पाटील, आमदार मंगेश चव्हाण, आमदार किशोर पाटील आणि आमदार अमोल जावळे उपस्थित होते. या सर्वांच्या उपस्थितीत शेतकऱ्यांना तातडीची मदत, तसेच नुकसान भरपाईबाबत ठोस निर्णय लवकरच घेतला जाईल, अशी अपेक्षा शेतकरी व्यक्त करत आहेत.
