बँकेपासून घरापर्यंत पाठलाग करून ९ लाखांची पिशवी लांबवली; चोरांना कायद्याचा धाक राहिला नाही.
अमळनेर: विक्की जाधव.
अमळनेरमध्ये १० तारखेला दुपारी साडे बारा वाजताच्या सुमारास सामान्य नागरिकांसाठी चिंतेची एक भयंकर घटना घडली. बँकेपासून घरापर्यंत पाठलाग करत, दोन मोटरसायकलस्वारांनी एका व्यक्तीच्या हातातील पिशवीत असलेले ९ लाख रुपये हिसकावून घेतले.
बापू शिंगाणे, जे अमळनेर नगरपालिकेचे सेवानिवृत्त कर्मचारी आहेत, यांनी आपल्या पत्नी सुरेखा यांच्यासोबत आयडीबीआय बँकेत जाऊन ९ लाख रुपये काढले. काढलेल्या पैशांना त्यांनी पिशवीत नीट गुंडाळून घराकडे परतत होते. त्यावेळी घराजवळ मोटरसायकल थांबवण्याच्या क्षणी, काळ्या मोटरसायकलवर आलेल्या दोन चोरट्यांनी अचानक त्यांच्या पैशांची पिशवी हिसकावली आणि कसाली डीपीकडे पळून गेले. यावेळी आजूबाजूच्या लोकांनी चोरट्यांचा पाठलाग करण्याचा प्रयत्न केले, परंतु चोरट्यांनी पळण्यास यश मिळवले.
घटनेची माहिती मिळताच अप्पर पोलीस अधीक्षक कविता नेरकर, डीवायएसपी भाऊसाहेब घोलप, पोलीस निरीक्षक विकास देवरे व अन्य पोलिस अधिकारी घटनास्थळी दाखल झाले. बापू शिंगाणे यांच्या फिर्यादीवरून अमळनेर पोलीस स्टेशनमध्ये गुन्हा दाखल करण्यात आला असून तपास पोलीस निरीक्षक विकास देवरे करीत आहेत.
पोलिसांनी फुटेज तपासल्यावर असे समजते की आरोपी बाहेर राज्यांतील असावेत असा प्राथमिक अंदाज आहे. तसेच, ४ तारखेला खामगाव येथे देखील त्यांनी याच पद्धतीने एकाला लुटले असल्याची माहिती समोर येत आहे.
या घटनेने स्थानिक नागरिकांमध्ये सुरक्षिततेच्या बाबतीत चिंता व्यक्त केली आहे. या प्रकारच्या घटनांच्या सलगतेमुळे, कायद्यानुसार चोरांच्या शोधाची कार्यवाहीची तत्परता गरजेची आहे.
