अन् खा.शरद पवार यांनी केली अपघातग्रस्त शालेय विद्यार्थ्यांला वैद्यकीय उपचारासाठी आर्थिक मदत
बारामती ( सह-संपादक- संदिप आढाव)
अन् अवघ्या एका फोनवर जखमी शालेय विद्यार्थ्यावर १५ लाख रुपयांचा वैद्यकीय खर्च खा. शरद पवार यांनी उचलुन उपचाराच्या चिंतेत असलेल्या वाईकर कुटुंबाला सुखद धक्का मिळाला आहे.
२० ऑक्टोबर २०२४ रोजी दहावीत शिकणाऱ्या दादा सदानंद वायकर या पंधरा वर्षांच्या शालेय विद्यार्थ्यांचा निरा – बारामती या राज्य मार्गावर शरद संकुल जवळ भिषण अपघात झाला. त्यास सामाजिक कार्यकर्ते संदीप आढाव यांनी वेळीच मदत केल्याने बारामतीत प्राथमिक उपचार करून पुण्यातील नामवंत रुबी हॉल क्लिनिक मधे तातडीने शस्त्रक्रिया केली.
त्यांच्या पुढील उपचारासाठी १५ लाख रुपये खर्च करावा लागेल असे डॉक्टरांनी सांगितले. यावर मोलमजुरी व भिक्षा मागून जिवन जगणाऱ्या भटक्या जोशी समाजाच्या वाईकर कुटुंबाच्या पायाखालची वाळू सरकली. अखेर लोकवर्गणी करुन उपचार करावयाचे ठरविले.
मात्र खा.शरद पवार यांच्या रुपाने त्यांना देवदुत सापडला. आज गोविंद बागेत जखमी दादा वाईकर यांचे आजोबा हरिभाऊ वायकर, कुमार वायकर, सोपान घाडगे, आनंद गोंडे, अजित गोंडे, निलेश गंगावणे, शाहरुख बागवान यांनी भेट घेऊन आर्थिक मदतीची याचना केली.
अखेर खा. शरद पवार यांनी विठ्ठल मणियार यांना हि बाब सांगुन थेट रुबी हॉल क्लिनिकशी संपर्क साधून दादा वायकर यांचा सर्व उपचार खर्च मी करेन. तो बरा होई पर्यंत त्यांच्या कुटुंबियांना पैसे मागु नका अशी सुचना केली.
दरम्यान सदर अपघाताची दैनिक पुण्यनगरी मधील बातमी खा.शरद पवार यांना दाखवण्यात आली. शरद पवार यांच्या मुळे माझ्या नातुला पुनर्जन्म मिळणार असून अपघातात मदत करणारे संदीप आढाव मरेपर्यंत स्मरणात ठेवु असे हरिभाऊ वायकर यांनी सांगितले.
