सामाजिक वनीकरण विभाग अमळनेर व वनक्षेत्र पारोळा आणि साई इंग्लिश अकॅडमि यांच्या संयुक्त विद्यमाने जागतिक पर्यावरण दिन साजरा..
अमळनेर : विक्की जाधव.
सामाजिक वनीकरण विभाग अमळनेर व वनक्षेत्र पारोळा आणि साई इंग्लिश अकॅडमि यांच्या संयुक्त विद्यमाने जागतिक पर्यावरण दिन साजरा..5 जून रोजी-जागतिक पर्यावरण दिन सोहळा साजरा करण्यात आला.सोहळ्यास बळवंत विठ्ठल पाटील-वनपरिक्षेत्र अधिकारी सामाजिक वनीकरण, अमळनेर यांच्या मार्गदर्शनाखली महाराष्ट्र शासन वन विभाग टीमची उपस्थिती लाभली. आय.टी.चव्हाण- वनपाल , पी.जे.सोनवणे-वनपाल,वैशाली साळी मॅडम-वनपाल सामाजिक वनीकरण,अमळनेर तसेच सीमा शिंदे मॅडम-वनरक्षक , सुप्रिया देवरे मॅडम वनरक्षक उपस्थित होते. प्रमुख अतिथी आय.टी. चव्हाण व सीमा शिंदे मॅडम, यांनी आपल्या मनोगत भाषणात म्हटले -पर्यावरणाच्या अनेक समस्या सध्या जगभरात जाणवत आहेत.त्यासंदर्भात जनमानसांत जागरूकता निर्माण व्हावी,यासाठी दरवर्षी जागतिक पर्यावरण दिन साजरा केला जातो.कोरोना काळात ऑक्सिजनचे महत्व आपल्याला समजले, वृक्ष हेच ऑक्सिजन-प्राणवायूचे प्रमुख स्त्रोत आहेत…म्हणूनच जास्तीत जास्त वृक्ष आपण लावली पाहिजेत,ती जगवली पाहिजे.ह्या प्रसंगी विद्यार्थ्यांना रोपे वाटण्यात आली.विद्यार्थ्यांनीसुद्धा मनोगतात सांगितले-आम्हाला मिळालेली रोपे आम्ही आजच आमच्या घराच्या बागेत, परिसरात,शेतात व इतरत्र लावू.रोपांची काळजी घेऊन,संगोपन करून रोपांचा वाढदिवस साजरा करू. या सोहळ्याचे प्रास्ताविक भैय्यासाहेब मगर यांनी केले.सूत्रसंचालन व आभार कु.प्रियंका बारी यांनी केले.
