ताडेपुराचे ‘नमो गार्डन’ पळवून मध्यवर्ती शहरात भूमिपूजन!
पैलाड, शनीपेठ, सिंधी कॉलनी, ताडेपुरातील नागरिकांचा संताप; “जाब विचारल्याशिवाय राहणार नाही!” नगरसेविका शोभाबाई गढरे
अमळनेर : विक्की जाधव.
ताडेपुरा परिसरासाठी प्रस्तावित असलेले ‘नमो गार्डन’ मध्यवर्ती शहरात नेऊन थाटात भूमिपूजन करण्यात आल्याने परिसरातील नागरिकांमध्ये तीव्र संताप व्यक्त होत आहे.
या ताडेपुरा येथे गार्डन होऊ नये निर्णयाला सर्वप्रथम सत्ताधाऱ्यांनी विरोध केला होता. तसेच प्रभाग क्रमांक ३ च्या नगरसेविका शोभाबाई गढरे, राष्ट्रवादी युवक शहरध्यक्ष दुर्गेश पाटील यांच्यासह नागरिकांनी ताडेपुराच्या विकासासाठी आवाज उठविला होता.
आता पैलाड, शनीपेठ, सिंधी कॉलनी, ताडेपुरा आणि परिसरातील नागरिकांचा सवाल आहे “ताडेपुराचा विकास पळवून मध्यवर्ती शहरात नेण्याचा निर्णय घेतलाच कुणी? या निर्णयाचा जाब सत्ताधाऱ्यांना विचारल्याशिवाय जनता शांत बसणार नाही,” असा इशारा नगरसेविका शोभाबाई गढरे यांच्यासह परिसरातील नागरिकांनी दिला आहे.
