“भिगवणच्या विठ्ठलराव थोरात स्कूलमध्ये क्रांतिकारक दिन मोठ्या उत्साहात साजरा”

“भिगवणच्या विठ्ठलराव थोरात स्कूलमध्ये क्रांतिकारक दिन मोठ्या उत्साहात साजरा”
“वेशभूषा, गीते आणि भाषणांनी भरला क्रांतिकारक दिन”

—

(निलेश गायकवाड)

भिगवण, दि. 10 ऑगस्ट 2026 : प्रतिनिधी

राजमाता अहिल्यादेवी प्रतिष्ठान संचलित विठ्ठलराव थोरात इंग्लिश मीडियम स्कूल व ज्युनिअर कॉलेज, भिगवण येथे सोमवारी क्रांतिकारक दिन मोठ्या उत्साहात साजरा करण्यात आला.

कार्यक्रमाची सुरुवात “वंदे मातरम्”, “भारत माता की जय”, “जय हिंद, जय भारत” या देशभक्तीपर घोषणांनी झाली. स्वातंत्र्यवीरांच्या प्रतिमेचे पूजन आणि दीपप्रज्वलन संस्थेचे संस्थापक अध्यक्ष मा. बापूराव थोरात आणि सचिव मा. विजय थोरात यांच्या हस्ते करण्यात आले.

या प्रसंगी प्री-प्रायमरीच्या चिमुकल्यांनी भगतसिंग, राणी लक्ष्मीबाई, महात्मा गांधी यांसारख्या क्रांतिकारकांची वेशभूषा करून उपस्थितांची मने जिंकली. विद्यार्थ्यांनी क्रांतिकारकांच्या जीवनावर भाषणे सादर केली. तसेच देशभक्तीपर गीतांवर नृत्य सादर करून कार्यक्रमाची शोभा वाढवली.

कार्यक्रमाचे सूत्रसंचालन सौ. अश्विनी गाडे मॅडम यांनी केले तर आभार प्रदर्शन सौ. कावेरी नायब मॅडम यांनी मानले.

यावेळी संस्थेचे खजिनदार संतोष थोरात सर, सदस्य नंदकिशोर थोरात सर, अजय थोरात सर, संचलिका संगीता ताई थोरात मॅडम, सुनिता ताई थोरात मॅडम, सोनाली ताई थोरात मॅडम आणि प्राचार्य वंदना थोरात मॅडम यांच्यासह शिक्षक, विद्यार्थी व पालक मोठ्या संख्येने उपस्थित होते.

देशभक्ती, त्याग आणि स्वातंत्र्याची प्रेरणा देणाऱ्या या कार्यक्रमामुळे विद्यार्थ्यांमध्ये राष्ट्रीय भावना जागृत झाली.

—