भरदिवसा महिलेच्या गळ्यातून सोन्याची चैन ओढली..
अमळनेर: विक्की जाधव
प्रत्येकजण सुरक्षिततेच्या भावना बाळगत असतानाच, अमळनेरात एक धक्कादायक घटना घडली आहे. २९ तारखेला सायंकाळी साडे सात वाजता, वृद्ध महिलेच्या गळ्यातून दोन अज्ञात मोटरसायकलस्वारांनी दीड तोळ्याची सोन्याची चैन चोरी केली.
या संदर्भात अधिक वृत्त असे की, अल्काबाई सुभाष लोहार (वय ५९, रा. प्रताप मिल कंपाऊंड) हीं महिला दूध घेण्यासाठी बाहेर पडल्या यावेळी ती घराकडे परतताना, तिच्या घराकडून जोरात येणाऱ्या दोन मोटरसायकलस्वारांनी अचानक तिच्या गळ्यातून ७० हजार रुपये किमतीची १४.५ ग्राम सोन्याची चैन ओढली.
महिलेने तात्काळ अमळनेर पोलीस स्टेशनमध्ये फिर्याद दिली, त्या आधारे अज्ञात चोरट्यांविरुद्ध गुन्हा दाखल करण्यात आला आहे. या घटनेच्या तपासा पोलीस उपनिरीक्षक राजू जाधव. हे करीत आहेत.
या घटनेने अमळनेरतील नागरिकांमध्ये भय आणि अस्वस्थता निर्माण झाली आहे. नागरिकांच्या सुरक्षेसाठी स्थानिक प्रशासनाने कठोर पावले उचलावी अश्या गोष्टी सुरक्षितता दृष्टीने घातक असून, नागरिकांनी त्यांच्या सुरक्षिततेसाठी अधिक सजग आणि सावध रहाण्याची आवश्यकता आहे.
