प्रवीण माने यांनी रुई येथे सहकुटुंब बजावला मतदानाचा हक्क
मोठ्या मताधिक्याने विजयाचा व्यक्त केला विश्वास!
(निलेश गायकवाड)
इंदापूर : प्रतिनिधी दि.20/11/24
इंदापूर विधानसभा मतदारसंघातील अपक्ष परिवर्तन चे उमेदवार, माजी सभापती प्रवीण माने यांनी महाराष्ट्र विधानसभेच्या 15 व्या निवडणुकीसाठी रुई (ता. इंदापूर) येथे बुधवारी (दि.20) सकाळी सहकुटुंब मतदानाचा हक्क बजावला. यावेळी पत्नी मयुरी माने, तेजश्री माने यांनीही मतदान केले.
आमचे वडील दशरथ माने यांचे लोकाभिमुख नेतृत्व आणि इंदापूर तालुक्यातील जनतेचा आमचेवर असेलेला विश्वास, साथ व आशीर्वाद यामुळे इंदापूर विधानसभा मतदारसंघातून आपला मोठ्या मताधिक्याने विजय निश्चित आहे असा ठाम विश्वासही यावेळी प्रवीण माने यांनी व्यक्त केला. दरम्यान, मतदानानंतर प्रवीण माने यांनी इंदापूर तालुक्यातील विविध मतदान केंद्रांना भेटी दिल्या. याप्रसंगी मतदानाची टक्केवारी वाढविण्यासाठी परिवर्तन पार्टी पॅनल च्या कार्यकर्त्यांनी प्रयत्नशील राहावे, असे आवाहनही प्रवीण माने यांनी केले.
