भिगवण येथील हुजेफ बक्षी यांचा इंदापूर क्रीडा केसरी कुस्ती स्पर्धेत तृतीय क्रमांक
(निलेश गायकवाड)
इंदापूर क्रीडा केसरी महोत्सव 2024 अंथुर्णे आयोजित क्रीडा महोत्सव कुस्ती स्पर्धेत भिगवण येथील हुजेफ बक्षी यांनी 35 किलो खालील वजन गटात तृतीय क्रमांक मिळवल्याबद्दल भिगवण ग्रामस्थांच्यावतीने व जिल्हा परिषद शाळा भिगवन यांच्या वतीने सत्कार करण्यात आला.
यावेळी भिगवण ग्रामपंचायतचे सरपंच प्रतिनिधी तुषार क्षीरसागर, उपसरपंच जावेद शेख, जिल्हा परिषद प्राथमिक शाळा भिगवन चे मुख्याध्यापक व शिक्षक आदी मान्यवर उपस्थित होते.
बक्षी हा पै. वस्ताद दत्ता गायकवाड यांच्या मार्गदर्शनाखाली कुस्ती खेळत असे. तसेच बक्षी याचे वडील फिरोज बक्षी यांनी सर्व मान्यवरांचे आभार मानले.
