अमळनेर येथे मराठा सेवा संघातर्फे ‘गुणवंत विद्यार्थी सत्कार’ सोहळा व ‘परीक्षा मार्गदर्शन व्याख्यान .
अमळने : विक्की जाधव.
विद्यार्थ्यांच्या पंखांना बळ देण्यासाठी आणि त्यांच्या उज्ज्वल भविष्याला दिशा देण्यासाठी मराठा सेवा संघ, अमळनेर यांच्या वतीने एका भव्य कार्यक्रमाचे आयोजन करण्यात आले आहे. शनिवार, दिनांक १२ सप्टेंबर २०२६ रोजी दुपारी ४:०० वाजता, जी.एस. हायस्कूलच्या आय.एम.ए. (IMA) हॉल मध्ये हा सोहळा संपन्न होणार आहे.या कार्यक्रमाचे मुख्य उद्दिष्ट JEE व NEET परीक्षेत उत्तुंग यश संपादन करणाऱ्या गुणवंत विद्यार्थ्यांचा विशेष सन्मान करणे हा आहे. त्याचबरोबर १० वी, ११ वी आणि १२ वी मध्ये शिकणाऱ्या विद्यार्थ्यांसाठी तसेच त्यांच्या पालकांसाठी एक अत्यंत महत्त्वाचे मार्गदर्शन सत्रही आयोजित करण्यात आले आहे.मुख्य मार्गदर्शक आणि व्याख्यानाचा विषयया सोहळ्यासाठी प्रमुख मार्गदर्शक व व्याख्याते म्हणून पुणे येथील विजन ॲडमिशन अँड करिअर कन्सल्टन्सीचे संस्थापक संचालक आणि इलेक्ट्रिकल इंजिनिअरिंग विभागाचे प्रमुख प्रा. शरद पाटील (M.E. Ele.) उपस्थित राहणार आहेत. ते उपस्थितांना “JEE, CET, NEET परीक्षेची तयारी व मानसिक व्यवस्थापन” या अत्यंत संवेदनशील आणि महत्त्वाच्या विषयावर सखोल मार्गदर्शन करणार आहेत. स्पर्धा परीक्षांचा ताण कसा हाताळावा आणि अभ्यासाचे नियोजन कसे करावे, याचे मौल्यवान तंत्र ते विद्यार्थ्यांना सांगतील.विशेष आकर्षण: ‘सत्यशोधक मेळा’कार्यक्रमाचे मुख्य आकर्षण म्हणजे महात्मा ज्योतिराव फुले यांच्या २०० व्या जयंतीनिमित्त अध्यक्ष प्रा.अशोक पवार सर युवा कल्याण प्रतिष्ठान, सांस्कृतिक मंडळ,प्रा. डॉ. लिलाधर पाटील लिखित ‘सत्यशोधक मेळा’ या कलापथकाचे सादरीकरण होणार आहे. २० मिनिटांच्या या विशेष सादरीकरणातून ज्ञान, संघर्ष आणि समानतेचा संदेश दिला जाणार आहे.उपस्थितीचे आवाहन”शिक्षित तरुण, सशक्त समाज आणि समृद्ध भारत” हे ध्येय डोळ्यांसमोर ठेवून आयोजित केलेल्या या कार्यक्रमाला १० वी ते १२ वीचे विद्यार्थी, त्यांचे पालक आणि शिक्षणप्रेमी नागरिकांनी मोठ्या संख्येने उपस्थित राहावे, असे आवाहन मराठा सेवा संघ, अमळनेर जि.जळगांव शाखेचे चे अध्यक्ष श्री.अशोक पाटील, सचिव श्री. बापूराव ठाकरे, कार्याध्यक्ष श्री. निंबाजी पाटील, उपाध्यक्ष श्री. योगेश भदाणे, उद्योगजक अध्यक्ष श्री. दीपक पाटील यांच्यासह सर्व ज्येष्ठ पदाधिकारी व कार्यकर्त्यांनी केले आहे.
