यशपंढरी इंग्लिश क्लासतर्फे आयोजित विद्यार्थी गुणगौरव सोहळा संपन्न…
अमळनेर : विक्की जाधव.
यशपंढरी इंग्लिश क्लासतर्फे आयोजित विद्यार्थी गुणगौरव सोहळा प्राचार्य डॉ. एस. आर. चौधरी यांच्या अध्यक्षतेखाली उत्साहात पार पडला. यावेळी प्रा. भानुदास गुलाले, माजी सैनिक गणेश पाटील, ईश्वर महाजन, संदीप महाजन यांच्यासह मान्यवर उपस्थित होते. दहावीत इंग्रजी विषयात ९२ गुण मिळवून तालुक्यात प्रथम आलेल्या भूषण सुनील भोई याला सायकल देऊन गौरविण्यात आले. तसेच बारावी वाणिज्य शाखेतील गुणवत्ता यादीतील भूमिका लोटन पाटील, कला शाखेतील पल्लवी पाटील, विज्ञान शाखेतील मोहिनी गणेश पाटील, कशिश माहेश्वरी, सहावीची क्लास टॉपर गुंजन धनगर, नववीतील साहील कैलास भिल तसेच २०२५ मधील टॉपर अश्विनी रोहिदास पाटील यांचाही सन्मानचिन्ह, प्रमाणपत्र व सायकल देऊन गौरव करण्यात आला.
कार्यक्रमात मान्यवरांनी विद्यार्थ्यांना अभ्यास, इंग्रजी विषयाचे महत्त्व, मोबाईलचा योग्य वापर आणि जीवनातील शिस्त याबाबत मार्गदर्शन केले. अध्यक्षीय भाषणात डॉ. एस. आर. चौधरी यांनी आपल्या आईच्या आठवणींना उजाळा देत उपस्थितांना भावूक केले. कार्यक्रमाचे सूत्रसंचालन व आभार प्रदर्शन प्रा. प्रकाश पाटील यांनी केले. यावेळी भविष्यात दहावी किंवा बारावीत इंग्रजी विषयात ९५ गुण मिळविणाऱ्या यशपंढरी इंग्लिश क्लासच्या विद्यार्थ्याला स्कुटी बक्षीस देण्यात येणार असल्याची घोषणा करण्यात आली. तसेच नवीन प्रवेश प्रक्रियाही सुरू असल्याची माहिती आयोजकांनी दिली.
