आरोग्यदूत मंगेश चिवटे यांच्या वाढदिवसानिमित्त रुग्णसेवेचा उपक्रम; ग्रामीण रुग्णालयात फळे व बिस्कीट वाटप
अमळनेर : विक्की जाधव.
उपमुख्यमंत्री वैद्यकीय मदत कक्ष प्रमुख तथा उपमुख्यमंत्री मा. श्री एकनाथ शिंदे यांचे ओएसडी आणि आरोग्यदूत म्हणून कार्यरत असलेले मा. श्री मंगेश चिवटे यांच्या वाढदिवसानिमित्त अमळनेर येथे सामाजिक बांधिलकी जपत विविध सेवा उपक्रमांचे आयोजन करण्यात आले. त्याअंतर्गत सकाळी 11 वाजता ग्रामीण रुग्णालयात दाखल रुग्णांना फळे व बिस्कीटांचे वाटप करण्यात आले.
या प्रसंगी शिवसेना वैद्यकीय मदत कक्ष अमळनेर शहर व तालुक्याच्या वतीने रुग्णांची भेट घेऊन त्यांच्या प्रकृतीची विचारपूस करण्यात आली. वाढदिवसाचे औचित्य साधून समाजोपयोगी कार्यातून आनंद साजरा करण्यात आला. यावेळी रुग्ण व त्यांच्या नातेवाईकांनी या उपक्रमाचे स्वागत करत आयोजकांचे आभार मानले.
कार्यक्रमाला शिवसेना वैद्यकीय मदत कक्ष तालुका प्रमुख प्रमोद कांतीलाल शिंपी, अनिल पाटील, रितेश शिंपी,विनोद भाऊ परदेशीं, रोहित परदेशी यांच्यासह शिवसेना पदाधिकारी, रुग्णसेवक व शिवसैनिक मोठ्या संख्येने उपस्थित होते. “रुग्णसेवा हीच खरी ईश्वरसेवा” या भावनेतून आयोजित करण्यात आलेल्या या उपक्रमामुळे वाढदिवसाला सामाजिक सेवेची अर्थपूर्ण जोड मिळाली.
