उल्हासनगर चा महापौर हा मराठीच झाला पाहिजे.
एका विशिष्ट समाजाचे लांगुल चालन करण्यासाठी महापौर पदाचा सौदा करू नका. उल्हासनगर मध्ये मराठी टक्का टिकविण्यासाठी मूळ शिवसेनेने प्रचंड संघर्ष केला आहे कित्येक वेळा दंगलीही झाल्या आहेत. आमच्यावर लाठीमार झाला, केसेस झाल्या. रमेश मुकणे यांनी मिसा मध्ये दीड वर्षे कारावास भोगला. सतीश प्रधान जिल्हा प्रमुख असताना मोर्चा निघाला होता. गीता हॉटेल मधून शिवजयंतीच्या मिरवणूकीवर दगडफेक झाली होती. रमाकांत चव्हाणची हत्या झाल्यावर तीन दिवस संचारबंदी लागली होती.
मराठा सेक्शन मध्ये शिरून गोळीबार करणाऱ्या जातीयवादी व्यक्तीच्या गटास महापौर पद देणे हा मराठी अस्मितेचा व मराठी माणसांनी केलेल्या त्यागाचा व संघर्षाचा अपमान ठरेल. एकनाथ शिंदे असा कृतघ्नपणा करणार नाहीत, अशी अपेक्षा ठेवणे गैर ठरू नये. हवे तर त्यांना उपमहापौरपद द्या, स्थायी समिती द्या, पण महापौर पद अजिबात देऊ नका. तसे केले तर उल्हासनगरचीच नव्हे तर महाराष्ट्रातील मराठी जनता तुम्हाला कदापि माफ करणार नाही.
– दिलीप मालवणकर
