अमळनेर : शिवसेना (उबाठा) गटाच्या इच्छुक उमेदवारांच्या आज १० नोव्हेंबरला मुलाखती
अमळनेर : विक्की जाधव.
नगरपरिषदेच्या निवडणुकीच्या पार्श्वभूमीवर शिवसेना (उबाठा गट) तर्फे उमेदवारीसाठी इच्छुक असलेल्या कार्यकर्त्यांची मुलाखत घेण्यात येणार आहे. या संदर्भात इच्छुक उमेदवारांनी आज १० नोव्हेंबर रोजी सायंकाळी ५ वाजता धुळे रोडवरील शिवांश शॉपिंग कॉम्प्लेक्स येथील शिवसेना कार्यालयात उपस्थित राहावे, असे आवाहन करण्यात आले आहे.
मुलाखतीदरम्यान जिल्हाप्रमुख कुलभूषण पाटील आणि उपजिल्हाप्रमुख नितीन निळे हे इच्छुकांची मुलाखत घेणार आहेत. उमेदवारांनी आपल्या प्रभागातील मतदारसंख्या, संवर्ग परिस्थिती, स्थानिक समस्या व नागरिकांच्या मागण्या यांची संपूर्ण माहिती घेऊन मुलाखतीस उपस्थित राहावे, असे तालुका प्रमुख राजेंद्र मराठे आणि शहर प्रमुख चंद्रशेखर भावसार यांनी सांगितले आहे.
