प्रताप कॉलेज ते तांबेपुरा मार्गावर ट्रक उलटला! नागरिकांमध्ये संतापाची लाट भूमिपूजन होऊन देखील प्रत्यक्ष कामाला सुरुवात नाही
अमळनेर : विक्की जाधव.
शहरातील विकासकामांचा गाजावाजा सुरू असतानाच, प्रत्यक्षात मात्र परिस्थिती बिकट बनली आहे. प्रताप कॉलेज ते तांबेपुरा भागातील विप्रो कंपनीकडे जाणारा मुख्य रस्ता गेल्या अनेक दिवसांपासून धोकादायक अवस्थेत असून, अखेर काल या रस्त्यावर एका ट्रकचा अपघात झाला.
रस्त्याची दयनीय अवस्था, खोल खड्डे यामुळे वाहनचालकांचा त्रास वाढला असून, काल एक ट्रक उलटला मोठा अनर्थ टळला हेच सुदैव. नागरिकांच्या म्हणण्यानुसार, “हा अपघात नव्हे तर प्रशासनाच्या आणि स्थानिक पुढाऱ्यांच्या बेफिकीरीचा परिणाम आहे.” या रस्त्याचे दोन वेळा भूमिपूजन होऊनही कामाची प्रत्यक्ष सुरुवात झालेली नाही. तांबेपुरा, बंगाली फाईल, आयोध्या नगर, प्रताप नगर, स्टेशन रोड या परिसरांतील नागरिक आता असे बोलू लागले आहेत.
ट्रक उलटल्याने शहरात चर्चेचा विषय रंगला असून “रस्ता दुरुस्तीशिवाय भूमिपूजन करायचं का?” म्हणजे पुढाऱ्यांनी स्वतःचे फजिती करून घेतले का असा प्रश्न उपस्थित होत आहे. रस्त्यामुळे नागरिकांचा रोष वाढत असून प्रशासनाने तत्काळ दखल घेऊन रस्ता दुरुस्त करावा अशी मागणी होता आहे.
