लाडकी बहीण योजनेत सर्व्हरचा खेळखंडोबा! अनेक लाडक्या बहिणींची KYC अद्याप बाकी दिवसभर रांगा, रात्रीही धावपळ!
अमळनेर : विक्की जाधव.
राज्य सरकारच्या ‘लाडकी बहीण योजने’ च्या kyc साठी दिवसभर महिलांच्या रांगा लागल्या. मात्र, सर्व्हर सतत डाऊन असल्याने अर्जदारांना प्रचंड त्रास सहन करावा लागला. दिवसभर KYC प्रक्रिया ठप्प राहिल्याने अनेक केंद्रांवर गोंधळाची स्थिती निर्माण झाली.
‘लाडक्या बहिणींच्या’ नोंदणीसाठी काही ठिकाणी रात्रीपर्यंत कार्यरत राहिले. तरीही शेकडो अर्ज बाकी आहेत. सर्व्हर सुरू आणि बंद या खेळामुळे लाभार्थ्यांना चकरा माराव्या लागल्या.
दरम्यान, प्रशासनाकडून सांगण्यात आले की, सिस्टम अपडेटमुळे तात्पुरती अडचण निर्माण झाली असून लवकरच KYC प्रक्रिया सुरळीत होईल. मात्र नागरिकांत नाराजी व्यक्त होत आहे “योजना लाडकी पण सर्व्हर हट्टी!” अशी मार्मिक प्रतिक्रिया लाडक्या बहिणींमधून उमटताना दिसत आहे.
