प्रताप महाविद्यालयात ‘वंदे मातरम्’ गीताचे उत्साहपूर्ण सामूहिक गायन.
अमळनेर : विक्की जाधव.
‘वंदे मातरम्’ गीतास १५० वर्षे पूर्ण झाल्याच्या निमित्ताने, महाराष्ट्र राज्यपाल सचिव (शिक्षण) यांच्या सूचनेनुसार प्रताप महाविद्यालय, अमळनेर येथे राष्ट्रीय सेवा योजना विभागाच्या वतीने आज सकाळी ११ वाजता ‘वंदे मातरम्’ या गीताचे सामूहिक गायन अत्यंत उत्साहात पार पडले.
हा उपक्रम महाविद्यालयाचे प्राचार्य डॉ. एच. डी. जाधव यांच्या मार्गदर्शनाखाली आयोजित करण्यात आला. कार्यक्रमाचे समन्वयक राष्ट्रीय सेवा योजना कार्यक्रम अधिकारी डॉ. हेमंत पवार होते.
कार्यक्रमास प्रमुख उपस्थिती म्हणून प्रा. पराग पाटील (सचिव, खान्देश शिक्षण मंडळ), प्रा डॉ संदीप नेरकर तसेच उपप्राचार्य डॉ. कल्पना पाटील, डॉ. योगेश तोरवणे, डॉ. ए. जे. पाटील, डॉ. सचिन पाटील, डॉ. सुनील राजपूत, सर्व प्राध्यापक व शिक्षकेतर कर्मचारी उपस्थित होते.
या कार्यक्रमात विद्यार्थ्यांनी उत्स्फूर्त सहभाग नोंदविला. ‘वंदे मातरम्’ गीताच्या गजराने संपूर्ण परिसर देशभक्तीच्या भावना आणि उत्साहाने दुमदुमून गेला.
