“प्रथम राष्ट्र, नंतर मी” जनसेवेच्या बळावर सुनील महाजन प्रभाग 13 ब. मधून मैदानात
अमळनेर : विक्की जाधव.
“जात, पात, नाते-संबंध नव्हे… तर प्रामाणिकपणा, चारित्र्य आणि जनसेवेची तळमळ हवी!” या विचाराने प्रेरित होत सुनील दयाराम महाजन यांनी अमळनेर नगरपरिषद निवडणूक 2025-30 मध्ये प्रभाग क्रमांक 13-ब (पुरुष गट) मधून उमेदवारी जाहीर केली आहे. समाजातील सर्व घटकांना सामावून घेणारे, निस्वार्थी आणि लोककल्याणासाठी नेहमी तत्पर असलेले महाजन हे प्रभागातील जनतेमध्ये आदराचे स्थान निर्माण करणारे व्यक्तिमत्व मानले जाते.
सुनील महाजन यांनी सदैव कायदेशीर चौकटीत राहून नागरिकांच्या समस्यांसाठी आवाज उठवला आहे. गरिबीची जाण असणारे, तरी पैशामागे न धावणारे आणि “सेवाच धर्म” या तत्त्वावर चालणारे महाजन हे शिक्षित, विचारशील आणि जनतेच्या अडचणीत नेहमी उभे राहणारे समाजसेवक आहेत. त्यांच्या मते, “राष्ट्रप्रेम आणि सेवाभाव या दोनच गोष्टींनी खरी प्रगती घडते.” आपल्या प्रभागातील रस्ते, पाणीपुरवठा, स्वच्छता, आणि नागरिकांच्या मुलभूत सोयीसुविधा यासाठी ठोस प्रयत्न करण्याचा निर्धार त्यांनी व्यक्त केला आहे. “आता वेळ आली आहे विचारपूर्वक मतदानाची,” असे आवाहन करत सुनील महाजन यांनी नागरिकांना विजयी आशीर्वाद देण्याची विनंती केली आहे.
