अमळनेर शहरात कुत्र्यांचा हैदोस नागरिक भयभीत! पालिकेने उपाययोजना करण्याची मागणी..
अमळनेर : विक्की जाधव.
अमळनेर शहरात सध्या भटक्या कुत्र्यांचा त्रास चांगलाच वाढला आहे. शहरातील अनेक भागांत हे कुत्रे टोळ्या करून फिरताना दिसतात. लहान बालकं, वृद्ध व्यक्ती आणि चालते-फिरते नागरिक यांच्यासाठी ही परिस्थिती धोकादायक बनली आहे.
रस्त्यावरून जाणाऱ्यांच्या मागे धावणाऱ्या कुत्र्यांमुळे अनेक ठिकाणी अपघात होण्याच्या घटना टळल्या असल्या तरी भविष्यात गंभीर प्रसंग घडण्याची शक्यता नाकारता येत नाही. विशेषत: सकाळ-संध्याकाळ व्यायामासाठी, शाळेसाठी किंवा कामावर जाणाऱ्यांना कुत्र्यांच्या टोळ्यांचा त्रास सहन करावा लागत आहे.
नागरिकांनी नगरपालिका प्रशासनाकडे वारंवार तक्रारी केल्या असून, तातडीने या भटक्या कुत्र्यांवर नियंत्रण आणण्याची मागणी होत आहे.
